[X] Close
JUST IN
  • BREAKING-NEWS தேர்வு அறிவிப்பாணை முறையாக இல்லாததால் உடற்கல்வி சிறப்பாசிரியர் பணிக்குத் தேர்வானோர் பட்டியலை ரத்து செய்து உயர்நீதிமன்ற கிளை உத்தரவு
  • BREAKING-NEWS தமிழகத்தின் இசைவின்றி காவிரியில் அணை கட்டக்கூடாது என கர்நாடகாவுக்கு மத்திய அரசு உத்தரவிடக் கோரும் தீர்மானம் தமிழக சட்டப்பேரவையில் ஒருமனதாக நிறைவேற்றம்
  • BREAKING-NEWS காவிரி பிரச்னையில் மத்திய அரசு ஒருதலைபட்சமாக செயல்படுவது வருத்தம் அளிக்கிறது - மேகதாது அணை தொடர்பான தமிழக சட்டப்பேரவையின் சிறப்புக்கூட்டத்தில் முதல்வர் எடப்பாடி பழனிசாமி பேச்சு
  • BREAKING-NEWS தமிழக சட்டப்பேரவையின் சிறப்புக்கூட்டத்தில், காவிரியில் கர்நாடகா மேகதாது அணை கட்ட எதிர்ப்பு தெரிவித்து தீர்மானம் முன்மொழியிடப்பட்டது
  • BREAKING-NEWS சென்னையில் இன்று இரவும் நாளையும் விட்டு விட்டு மழை தொடரும்; ஓரிரு இடங்களில் கனமழை பெய்ய வாய்ப்பு - சென்னை வானிலை ஆய்வு மையம்
  • BREAKING-NEWS சிபிஐ இயக்குநர் அலோக் வர்மா மீதான குற்றச்சாட்டு பற்றிய வழக்கை நாளைக்கு ஒத்திவைத்தது உச்சநீதிமன்றம்
  • BREAKING-NEWS நெஞ்சுவலி காரணமாக மக்களவை துணை சபாநாயகர் தம்பிதுரை, சென்னை ஆயிரம் விளக்கில் உள்ள அப்போலோ மருத்துவமனையில் அனுமதி

சாதாரணமாக நியூஸ் சேனல் ஆரம்பிக்கிறார்கள்? - விஷால்

vishal-tweet-about-new-j-news-channel

சாதாரண மாத சம்பளம் வாங்கும் எம்.எல்.ஏ மற்றும் எம்.பிக்களால் சாதாரணமாக நியூஸ் சேனல் ஆரம்பிக்க எப்படி முடிந்தது என
தயாரிப்பாளர்கள் சங்க தலைவர் விஷால் கேள்வி எழுப்பியுள்ளார். 

நடிகர் விஜய் நடிப்பில், ஏ.ஆர்.முருகதாஸ் இயக்கத்தில் உருவாகி தீபாவளி அன்று வெளியான திரைப்படம் ‘சர்கார்’. சன்பிக்சர்ஸ்
கலாநிதி மாறன் தயாரித்திருக்கும் இப்படத்திற்கு இசைப்புயல் ஏ.ஆர்.ரஹ்மான் இசையமைத்துள்ளார். இப்படம் ரசிகர்கள் மத்தியில்
மிகப்பெரிய வரவேற்பைப் பெற்று, வசூலில் சாதனைப் படைத்து வருகிறது. 

மேலும் இப்படத்தில் ஆளும்கட்சியான அதிமுகவையும் அதன் இலவசத் திட்டங்களையும் விமர்சித்ததாக சர்ச்சைகள் எழுந்து பெரும்
போராட்டமே நடைபெற்றது. ஜெயலலிதாவின் இயற்பெயரைப் பயன்படுத்தியதாக கூறி அதிமுக அமைச்சர்கள் உள்ளிட்ட பலரும்
கண்டனம் தெரிவித்தனர்.

இதையடுத்து சர்கார் படம் மீண்டும் தணிக்கை செய்து சர்ச்சைக்குரிய காட்சிகள் நீக்கப்பட்டு வெளியானது. இதையடுத்து
செய்தியாளர்களை சந்தித்த முதலமைச்சர் எடப்பாடி, தான் மதிக்கும் கட்சியை இழிவு படுத்தினால் தன்மானம் உள்ள கட்சிக்காரர்கள்
கொதிக்கத்தான் செய்வார்கள் என தெரிவித்தார். 

மேலும், பல நூறு கோடிக்கு இவர்கள் படம் எடுக்கிறார்கள். இதற்கு பணம் எங்கிருந்து வருகிறது?, ரூ.100 டிக்கெட்டை ரூ.1000க்கு விற்று,
ரசிகர்களின் ரத்தத்தை உறிஞ்சிகிறார்கள் என முதலமைச்சர் எடப்பாடி பழனிசாமி விமர்சித்தார். 

இதைத்தொடர்ந்து நேற்று அதிமுக சார்பில் 24 மணிநேர புது செய்தி சேனல் ஒன்றை முதலமைச்சர் எடப்பாடி
பழனிச்சாமியும் துணை முதலமைச்சர் பன்னீர்செல்வமும் திறந்து வைத்தனர். 

இந்நிலையில், இதுகுறித்து தயாரிப்பாளர்கள் சங்கத்தலைவர் விஷால்,  தனது ட்விட்டர் பக்கத்தில் கருத்து தெரிவித்துள்ளார். அதில்,
”புதிதாக ஒரு செய்தி சேனல் ஆரம்பிக்கப்படுவதாக கேள்விப்பட்டேன். எனக்கு தெரிந்து ஒரு சேனல் ஆரம்பிக்க வேண்டுமென்றால் அதிக
பணம் செலவிட்டு, நிறைய விதிமுறைகளை கடந்து வருவது மிகவும் கஷ்டம். ஆனால் மாத சம்பளம் வாங்கும் எம்.பி,
எம்.எல்.ஏக்களால் எப்படி சாதாரணமாக செய்தி சேனல் ஆரம்பிக்கப்படுகிறது என்பது எனக்கு புரியவில்லை.” என தெரிவித்துள்ளார். 
 

Advertisement:
இது தொடர்பான செய்திகள் :
Advertisement:
Advertisement:
[X] Close