[X] Close
JUST IN
  • BREAKING-NEWS கட்சித்தொடங்க தொண்டர்களிடம் பணம் கேட்ட ஒரே நபர் கமல்ஹாசன்- அமைச்சர் ஜெயக்குமார்
  • BREAKING-NEWS சேலம் ஆட்சியர் அலுவலகத்தில் 2 குழந்தைகளுடன் தாய் தீக்குளித்து தற்கொலை செய்ய முயற்சி
  • BREAKING-NEWS டெஸ்ட்போட்டியின் 5 நாட்களிலும் பேட்டிங் செய்த 3வது இந்திய வீரர் என்ற சாதனையை படைத்தார் புஜாரா
  • BREAKING-NEWS மேட்டூர் அணைக்கு நீர்வரத்து 1,600 கன அடியில் இருந்து 1,384 கன அடியாக குறைவு
  • BREAKING-NEWS ஆஸ்திரேலியா அருகே நியூகலிடோனியாவில் சக்தி வாய்ந்த நிலநடுக்கம்
  • BREAKING-NEWS போக்குவரத்து ஊழியர்கள் போராட்டத்தால் புதுச்சேரியில் 3ஆவது நாளாக அரசுப்பேருந்துகள் இயங்கவில்லை
  • BREAKING-NEWS திருவண்ணாமலை: வந்தவாசி, தென்னாங்கூர், மருதநாடு, மும்முனி மற்றும் அதன் சுற்றுவட்டாரப்பகுதிகளில் மழை
  • BREAKING-NEWS ஒரு அரசாங்கமே திருடுவது குற்றம்தான்; கண்டுபிடித்த பின் அதை நிரூபிக்காமல் போவதும் குற்றம்தானே ஆராய்ச்சி மணி அடித்தாயிற்று: கமல்ஹாசன்
  • BREAKING-NEWS உலக அழகியாக தேர்வான இந்தியாவின் மனுஷி சில்லாருக்கு காங்கிரஸ் துணை தலைவர் ராகுல் காந்தி வாழ்த்து
  • BREAKING-NEWS சர்ச்சைக்குள்ளான பத்மாவதி திரைப்படம் டிசம்பர்.1இல் வெளியாகவிருந்த நிலையில் தேதி குறிப்பிடாமல் ஒத்திவைப்பு: இயக்குநர் சஞ்சய் லீலா பன்சாலி
  • BREAKING-NEWS தமிழகத்தில் ஜெயலலிதாவின் ஆட்சி நடக்கும்போது அவரது அறையில் சோதனை என்பது அதிகாரவரம்பு மீறிய செயல்: திருமாவளவன்
  • BREAKING-NEWS அரசின் கைகளில் வேதா இல்லம் உள்ளது , அதற்கு யாரும் உரிமை கொண்டாட முடியாது: அமைச்சர் ஆர்.பி.உதயகுமார்
  • BREAKING-NEWS தமிழகத்தில் பாடத்திட்ட மாற்றத்தை முதல்வர் பழனிசாமி நாளை தொடங்கி வைக்கிறார்: அமைச்சர் செங்கோட்டையன்
  • BREAKING-NEWS போயஸ் கார்டன் இல்லத்தை கோயில் என்று கூறுவதை ஏற்க முடியாது: ஈவிகேஎஸ் இளங்கோவன்
அரசியல் 11 Nov, 2017 09:02 PM

அரசுப் போக்குவரத்து கழக சொத்துக்கள் சூறையாடல்: ஸ்டாலின் குற்றச்சாட்டு

tamilnadu-transport-corporation-controversy-stalin-byte

அரசுப் போக்குவரத்துக் கழகங்களின் சொத்துக்களை சூறையாடி, தமிழகத்தின் முன்னேற்றத்துக்கு அதிமுக அரசு தடைக்கல்லாக இருப்பதாக, திமுக செயல்தலைவர் மு.க.ஸ்டாலின் குற்றம்சாட்டியுள்ளார்.

அரசுப் போக்குவரத்துக்கழக சொத்துகள் அடமானம் வைக்கப்பட்டிருப்பதாக புதியதலைமுறை தொலைக்காட்சியில் செய்தி வெளியான நிலையில், இதுதொடர்பான அறிக்கையை மு.க.ஸ்டாலின் வெளியிட்டுள்ளார். அதில், அரசுப் போக்குவரத்துக் கழகங்களின் கட்டடங்கள், பேருந்துகள், பணிமனைகள் உள்ளிட்டவற்றை 2,453 கோடி ரூபாய்க்கு அடகு வைத்து, அரசுப் போக்குவரத்துக் கழகங்கள் நிர்வகிக்கப்பட்டு வருவதாக வந்திருக்கும் செய்தி அதிர்ச்சியளிப்பதாக ஸ்டாலின் கூறியுள்ளார். இந்த நிலை நீடித்தால் தலைமைச் செயலகத்தையே மத்திய அரசுக்குத் தெரியாமல் அதிமுக அரசு அடகு வைத்து விடுமோ என்ற அச்சம் ஏற்படுவதாகவும், ஸ்டாலின் கூறியுள்ளார். அரசுப் போக்குவரத்துக் கழகங்களின் சொத்துக்களையும் அடகு வைத்து, அரசுப் போக்குவரத்து ஊழியர்களின் ஓய்வூதியங்களை எல்லாம் சட்டத்திற்குப் புறம்பாகச் செலவிட்டு, அரசுப் போக்குவரத்து கழகத்தையே மீட்கமுடியாத படுகுழியில் தள்ளிவிட்டதாகவும் ஸ்டாலின் குற்றம்சாட்டியுள்ளார். எனவே, அடகு வைக்கப்பட்ட போக்குவரத்துக் கழக பேருந்துகள், பணிமனைகளை உடனடியாக மீட்டுப் புத்துயிர் அளிப்பதற்கான முயற்சிகளை மேற்கொள்ள வேண்டும் என ஸ்டாலின் கேட்டுக் கொண்டுள்ளார். போக்குவரத்துக் கழகங்களின் சொத்துக்களை சூறையாடி தமிழகத்தின் முன்னேற்றத்துக்கு அதிமுக அரசு தடைக்கல்லாக இருப்பதைக் கிஞ்சிற்றும் பொறுத்துக் கொள்ள முடியாது என்றும் ஸ்டாலின் எச்சரித்துள்ளார்.

முன்னதாக பணிமனைகள் மற்றும் அரசுப் பேருந்துகள் என தமிழ்நாடு போக்குவரத்து கழகத்திற்கு சொந்தமான சொத்துகள் பல கோடி ரூபாய்க்கு வங்கிகளில் அடமானம் வைக்கப்பட்டிருக்கும் தகவலை வெளி்க்கொண்டு வந்தது புதியதலைமுறை. தகவலறியும் உரிமைச் சட்டம் கீழ் கிடைத்த தகவலை, செய்தியாக வெளியிட்டிருந்தது. 
தனியார் நிறுவனங்கள் ஒரு சில பேருந்துகளை மட்டும் வைத்து கொண்டு லாபகரமாக இயங்கி வரும் நிலையில் 22ஆயிரத்து 743 பேருந்துகளுடன் செயல்படும் தமிழ்நாடு போக்குவரத்து கழகம் நஷ்டத்தில் இயங்கி‌வருகிறது. இதன் உண்மை காரணத்தை தெரிந்து கொள்வதற்காக, மதுரை நெல்பேட்டையைச் சேர்ந்த ஹக்கீம் என்பவர் தகவல் அறியும் உரிமை சட்டம் மூலம் விண்ணப்பித்தார். போக்குவரத்து கழகங்கள் மூலம் அவருக்கு கிடைத்த தகவல்கள் அதிர்ச்சியை ஏற்படுத்தின. சென்னை போக்குவரத்து கழகத்தின் கீழ் 34 பணிமனைகளும், தலைமையகத்தின் 33 பிரிவுகளும் செயல்பட்டு வருகின்றன. அதில், அயனா‌வரம், மந்தைவெளி, அண்ணாநகர், அம்பத்தூர், பேசின்பாலம், சைதாப்பேட்டை, திருவான்மியூர், பெரம்பூர், தியாகராய நகர் பணிமனை பேருந்து நிலையங்கள் அடமானத்திலிருப்பது தெரியவந்துள்ளது. சென்னை போக்குவரத்து கழகத்தின் அடையாளமான பல்லவன் இல்லம், பட்லஸ் சாலையிலுள்ள போக்குவரத்து தொழிற்சாலை, 4‌90 பேருந்துகள் என சென்னை மாநகர போக்குவரத்து கழகத்தின் சொத்துகள் மட்டும் 580 கோடியே 63 லட்சத்திற்கு வங்கிகளிலும், அரசிடமும் அடமானம் வைக்கப்பட்டுள்ளன. மதுரை போக்குவரத்து கழகத்தின் 39 பணிமனைகளில் 30 பணிமனைகள் 363 கோடியே 77 லட்சத்திற்கு அடமானம் வைக்கப்பட்டுள்ளது. கோவை போக்குவரத்து கழகத்தில் 377 பேருந்துகளுடன், அதன் அனைத்து சொத்துகளும் ஆயிரத்து 466 கோடியே 65 லட்சத்திற்கு அடமானம் வைக்கப்பட்டிருப்பது தகவல் அறியும் உரிமைச் சட்டத்தின் மூலம் தெரியவந்துள்ளது.

Advertisement:
இது தொடர்பான செய்திகள் :
Advertisement:
adgebra
Advertisement:
[X] Close