[X] Close
JUST IN
  • BREAKING-NEWS மாநிலங்களவையிலும் நிறைவேறியது குடியுரிமை சட்டத் திருத்த மசோதா
  • BREAKING-NEWS காஷ்மீர் சட்டப்பிரிவு நீக்கம், முத்தலாக் போலவே குடியுரிமை மசோதாவும் இஸ்லாமியர்களுக்கு எதிரானதல்ல - உள்துறை அமைச்சர் அமித்ஷா
  • BREAKING-NEWS மக்களை சந்திக்க திமுக என்றுமே அஞ்சியதில்லை; நாங்கள் ஓடி ஒளியவும் இல்லை; மக்களை சந்திக்க திமுக எப்போதும் தயாராக உள்ளது - மு.க.ஸ்டாலின்
  • BREAKING-NEWS குடியுரிமை சட்ட மசோதா இஸ்லாமியர்கள் உள்ளிட்ட எந்த சிறுபான்மையினருக்கும் எதிரானதல்ல - அமித்ஷா
  • BREAKING-NEWS வெளிநாட்டு இஸ்லாமியர்கள் இந்தியாவில் குடியுரிமை பெற வேறு சில சட்ட வாய்ப்புகள் உள்ளன - அமித்ஷா

ட்விட்டரில் காங். பதவிகளை நீக்கிய ஜோதிராதித்ய சிந்தியா - ம.பி காங்கிரசில் குழப்பம்? 

jyotiraditya-scindia-to-ani-on-no-mention-of-congress-party-in-his-twitter-bio

மத்திய பிரதேச துணை முதல்வர் ஜோதிராதித்ய சிந்தியா காங்கிரஸ் மீது அதிருப்தியில் இருப்பதாகவும் அவரது ஆதரவு எம்.எல்.ஏ.க்கள் 20 பேரை தொடர்பு கொள்ள முடியவில்லை எனவும் தகவல் வெளியாகியுள்ளது. 

சில மாதங்களுக்கு முன்பு நடைபெற்ற 5 மாநில சட்டப்பேரவை தேர்தலில் ராஜஸ்தான், மத்திய பிரதேசம், சத்தீஸ்கர் ஆகிய 3 இடங்களில் பாஜக வசம் இருந்த ஆட்சியை காங்கிரஸ் கைப்பற்றியது. இதில் மத்திய பிரதேசத்தில் 114 இடங்களில் காங்கிரஸ் கட்சி வெற்றி பெற்றது. ஆட்சி அமைக்க 116 உறுப்பினர்களின் ஆதரவு தேவை என்ற நிலையில், சமாஜ்வாடி மற்றும் பகுஜன் சமாஜ், சுயேட்சை எம்.எல்.ஏ.க்கள் ஆதரவுடன் காங்கிரஸ் கட்சி ஆட்சி அமைத்தது. 

அப்போது முதலமைச்சர் பதவிக்கான போட்டியில் மாநில காங்கிரஸ் தலைவரும், முன்னாள் மத்திய அமைச்சருமான கமல் நாத், மூத்த தலைவர்கள் ஜோதிராதித்ய சிந்தியா, திக்விஜய் சிங் ஆகியோர் இருந்தனர். ஆனால் திக்விஜய் சிங், கமல்நாத்துக்கு ஆதரவு தெரிவித்தார். இதனால் கமல்நாத்துக்கும் ஜோதிராதித்ய சிந்தியாவுக்கும் இடையே போட்டி நிலவியது. இதில் சட்டமன்ற கட்சி தலைவராக கமல் நாத் ஒருமனதாகத் தேர்வு செய்யப்பட்டார். இதையடுத்து அவர் முதல்வராகவும் தேர்வு செய்யப்பட்டார். 

மத்திய பிரதேச முதல்வர் யார் என்ற எதிர்பார்ப்பு எழுந்தபோது சிந்தியா தனது ட்விட்டர் பயோவை மாற்றினார். அதன் பின்னர் ராகுல்காந்திக்கு மிக நெருக்கமானவரான ஜோதிராதித்ய சிந்தியாவுக்கு மத்திய பிரதேச துணை முதல்வர் பொறுப்பு வழங்கப்பட்டது. 

இந்நிலையில், மத்திய பிரதேச துணை முதல்வர் ஜோதிராதித்ய சிந்தியா காங்கிரஸ் மீது அதிருப்தியில் இருப்பதாகவும் அவரது ஆதரவு எம்.எல்.ஏ.க்கள் 20 பேரை தொடர்பு கொள்ள முடியவில்லை எனவும் தகவல் வெளியாகியுள்ளது. இதனிடையே சிந்தியா தனது ட்விட்டர் பக்கத்தில் இருந்து காங்கிரஸ் கட்சியின் பெயரை நீக்கியுள்ளார். மேலும், தான் ஒரு மக்கள் ஊழியர், கிரிக்கெட் ஆர்வலர் என்பது மட்டுமே ட்விட்டர் பயோவில் இடம்பெற்றுள்ளது. இதனால் மத்தியபிரதேச காங்கிரஸில் பிளவு ஏற்பட்டுள்ளதாக சந்தேகம் எழுந்துள்ளது. இதற்கு முன்பு முன்னாள் நாடாளுமன்ற உறுப்பினர், முன்னாள் மத்திய அமைச்சர் உள்ளிட்ட பல்வேறு பதவிகளை பயோவில் குறிப்பிட்டு இருந்தார். தற்போது காங்கிரஸ் கட்சியின் அரசியல் சார்ந்த அடையாளங்கள் அனைத்தையும் நீக்கிவிட்டார்.

 

இதுகுறித்து ஏ.என்.ஐ செய்தி நிறுவனம் சிந்தியாவிடம் கேள்வி எழுப்பியபோது, “ஒரு மாதத்திற்கு முன் தனது ட்விட்டர் பயோவை மாற்றினேன். மக்கள் அறிவுறுத்தலை ஏற்று எனது பயோவை மேலும் சுருக்கினேன். இதுகுறித்த வதந்திகள் அனைத்தும் அடிப்படை ஆதாரமற்றவை” எனத் தெரிவித்தார். 

இதற்கு முன்பு, காஷ்மீரில் 370 சட்டப்பிரிவு நீக்கப்பட்ட விவகாரத்தில் பாஜக அரசின் நிலைப்பாட்டை ஜோதிராதித்ய சிந்தியா ஆதரித்திருந்தார். காங்கிரஸ் கட்சி நாடாளுமன்றத்தில் கடுமையாக எதிர்த்து வந்த போது அவர் திடீரென ஆதரித்தார். 

Advertisement:
இது தொடர்பான செய்திகள் :
Advertisement:
Advertisement:
[X] Close