[X] Close
JUST IN
  • BREAKING-NEWS மு.க.ஸ்டாலின் மிசா சட்டத்தின் கீழ் கைதாகவில்லை என நான் கூறவில்லை - அமைச்சர் மாஃபா பாண்டியராஜன்
  • BREAKING-NEWS மகாராஷ்டிராவில் குடியரசுத் தலைவர் ஆட்சி அமலானதை எதிர்க்கட்சிகள் அரசியலாக்குகின்றன - உள்துறை அமைச்சர் அமித்ஷா
  • BREAKING-NEWS சென்னை ஐஐடி மாணவி பாத்திமா லத்தீப் மரணம் குறித்து சிபிசிஐடி விசாரிக்க வேண்டும்; சாதி, மத ரீதியிலான பாரபட்சம் காட்டிய பேராசிரியர் மீது உரிய நடவடிக்கை எடுக்க வேண்டும் - ஜவாஹிருல்லா
  • BREAKING-NEWS தமிழ்நாடு கிரிக்கெட் சங்கம் ரூ.2,081 கோடி வாடகை பாக்கியை வசூல் செய்யாமல் ரூ.250 கோடியாக குறைக்க பேரம் நடப்பதாக தகவல் - ஸ்டாலின் ட்வீட்
  • BREAKING-NEWS டெல்லியில் காற்று மாசு காரணமாக மேலும் 2 நாட்களுக்கு பள்ளிகளை மூட வேண்டும் - டெல்லி அரசுக்கு மாநில மாசுக் கட்டுப்பாடு வாரியம் பரிந்து
  • BREAKING-NEWS உத்தர பிரதேசம்: காற்று மாசு காரணமாக கவுதம புத்தா நகர் மாவட்டத்தில் நவ.14, 15ஆம் தேதிகளில் அனைத்து பள்ளிகளுக்கும் விடுமுறை அறிவிப்பு

’அயன்’ ஸ்டைலில் ஆள்மாறாட்ட பயணம்: டெல்லி ஏர்போட்டில் சிக்கிய இளைஞர்!

gujarat-man-impersonates-senior-citizen-with-fake-beard-at-delhi-airport

போலி பாஸ்போர்ட் மற்றும் ஒட்டுத்தாடியுடன் நியூயார்க் செல்ல முயன்ற இளைஞர் டெல்லி விமான நிலையத்தில் கைது செய்யப்பட்டார்.

இந்தியாவில் உள்ள பிசியான விமான நிலையங்களில் ஒன்று டெல்லி இந்திரா காந்தி சர்வதேச விமான நிலையம். இங்கு தினமும் ஏராளமான பயணிகள் வந்து செல்வது வழக்கம். கடந்த ஞாயிற்றுக்கிழமை, அம்ரிக் சிங் என்பவர் வீல் சேரில் வந்தார். அவருக்கு 81 வயது. வெள்ளை தாடி, கண்ணாடியுடன் காட்சியளித்த அவர், தன்னால் நடக்க முடியாது என்று கூறி விமான நிலையத்துக்குள் வீல் சேரில் அங்கும் இங்கும் சென்றுகொண்டிருந்தார். 

அமெரிக்காவின் நியூயார்க் விமானத்துக்காக காத்திருந்த அவரது நடவடிக்கையில் சந்தேகம் அடைந்த மத்திய தொழில் பாதுகாப்புப் படையினர் விசாரணை நடத்தினர். அப்போது அவர்களை நேரடியாக பார்ப்பதைத் தவிர்த்துள்ளார், அவர். அவரது உடல், 80 வயது முதியவரை போல தெரியவில்லை. இதனால் சந்தேகம் மேலும் வலுத்தது. அவரிடம் மேலும் விசாரணை நடத்தியபோதுதான், அவர் தலைக்கு வெள்ளை ’டை’யும் ஒட்டுத்தாடியும் வைத்திருந்தது தெரிய வந்தது. 

அவரை பிடித்த போலீசார், தொடர்ந்து விசாரணை நடத்தினர். அவர், குஜராத் மாநிலம் அகமதாபாத்தைச் சேர்ந்த ஜயேஷ் படேல் என்பதும் போலி பாஸ்போர்ட் மற்றும் ஆள்மாறாட்டம் செய்து நியூயார்க் செல்ல இருந்ததும் தெரியவந்தது. ’அயன்’ திரைப்படத்தில் இப்படித்தான் வயதான தோற்றத்தில் நடிகர் சூர்யா, விமான நிலையத்துக்குச் செல்வது போல காட்சி அமைக்கப்பட்டிருக்கும். 

அதே போல சென்றுள்ள படேல் மீது வழக்குப் பதிவு செய்துள்ள போலீசார், ஏன் ஆள்மாறாட்டம் செய்து அவர் நியூயார்க் செல்ல முயன்றார் என்பது குறித்து விசாரணை நடத்தி வருகின்றனர்.

Advertisement:
இது தொடர்பான செய்திகள் :
Advertisement:
Advertisement:
[X] Close