[X] Close
JUST IN
  • BREAKING-NEWS புவி வட்டப்பாதையில் இருந்து விலகிய சந்திரயான் -2, நிலவின் வட்டப் பாதையைச் சுற்றத் தொடங்கியது
  • BREAKING-NEWS பால் உற்பத்தியாளர்கள்-மக்கள் இடையே பிளவை ஏற்படுத்த முதல்வர் பழனிசாமி முயற்சிக்கிறார் - மு.க.ஸ்டாலின்
  • BREAKING-NEWS பரோலை மேலும் ஒரு மாதம் நீட்டிக்கக்கோரி சென்னை உயர்நீதிமன்றத்தில் நளினி வழக்கு. கோரிக்கை குறித்து சிறைத்துறை பதிலளிக்க உத்தரவு
  • BREAKING-NEWS ஜம்மு காஷ்மீர் விவகாரம் தொடர்பாக 22ஆம் தேதி டெல்லியில் திமுக சார்பில் ஆர்ப்பாட்டம். அனைத்துக் கட்சி எம்.பி.க்கள் பங்கேற்பார்கள் என மு.க.ஸ்டாலின் அறிவிப்பு
  • BREAKING-NEWS 12 மாவட்டங்களில் மிதமான மழைக்கு வாய்ப்பு என வானிலை ஆய்வு மையம் தகவல்

மருத்துவர்கள் நாளை நாடு தழுவிய வேலை நிறுத்தம்? 

day-after-lok-sabha-okays-national-medical-commission-bill-ima-calls-for-nationwide-strike-on-wednesday

தேசிய மருத்துவ ஆணைய மசோதாவிற்கு எதிர்ப்பு தெரிவித்து இந்திய மருத்துவர்கள் சங்கம் நாளை நாடு தழுவிய வேலை நிறுத்தத்திற்கு அழைப்பு விடுத்துள்ளது. 

மருத்துவ கல்வித் துறையில் பல்வேறு சீர்திருத்தங்கள் மேற்கொள்ளும் வகையிலான தேசிய மருத்துவ ஆணைய மசோதாவை மக்களவையில் கடந்த வாரம் மத்திய சுகாதாரத்துறை அமைச்சர் ஹர்ஷவர்தன் தாக்கல் செய்தார். இந்த மசோதாவின் படி, இந்திய மருத்துவ கவுன்சிலுக்குப் பதிலாக தேசிய மருத்துவ ஆணையம் கொண்டுவரப்படும். அந்த ஆணையத்துக்கு பரிந்துரைகள் மற்றும் ஆலோசனைகள் வழங்குவதற்காக மருத்துவ ஆலோசனை குழு அமைக்கப்படும்.

இந்த மசோதா நேற்று மக்களவையில் விவாதிக்கப்பட்டது. இந்த மசோதாவுக்கு காங்கிரஸ், திமுக, இடதுசாரி கட்சிகள், விடுதலைச் சிறுத்தைகள் உள்ளிட்ட கட்சிகள் எதிர்ப்பு தெரிவித்துள்ளன. அதேபோல், நீட் தேர்வை ரத்து செய்ய வேண்டும் என்ற நிலைப்பாட்டில் உறுதியாக இருப்பதால் அதிமுக தேசிய மருத்துவ ஆணைய மசோதாவை அதிமுக எதிர்ப்பதாக மக்களவையில் ரவீந்திரநாத் குமார் எம்.பி தெரிவித்துள்ளார். தேசிய மருத்துவ ஆணைய மசோதா ஏழை மக்களுக்கு எதிரானது என்று திமுக எம்.பி. ஆ.ராசா தெரிவித்தார். எனினும் இந்த மசோதா மக்களவையில் நிறைவேறியது. 

இந்நிலையில் இந்த மசோதா மக்களவையில் நிறைவேறியதற்கு எதிர்ப்பு தெரிவிக்கும் விதமாக இந்திய மருத்துவ சங்கம் நாளை நாடு தழுவிய வேலை நிறுத்தத்தை அறிவித்துள்ளது. இதுகுறித்து இந்திய மருத்துவர்கள் சங்கத்தின் தலைவர் ராஜன் ஷர்மா, “இந்த மசோதா மிகவும் ஆபத்தானது. ஏனென்றால் இம் மசோதா பணக்காரர்களுக்கு சாதகமாக அமைந்துள்ளது. அத்துடன் இது ஊழலுக்கு வழிவகுக்கம் விதத்தில் அமைந்துள்ளது. ஆகவே இதனை எதிர்த்து நாளை நாங்கள் நாடு தழுவிய போராட்டத்திற்கு அழைப்பு விடுத்துள்ளோம்” எனத் தெரிவித்தார். 

Advertisement:
Advertisement:
Advertisement:
[X] Close