[X] Close
JUST IN
  • BREAKING-NEWS நாங்குநேரி தொகுதி இடைத்தேர்தலை தள்ளி வைக்கக்கோரி உயர்நீதிமன்ற மதுரை கிளையில் சுயேச்சை வேட்பாளர் மனு
  • BREAKING-NEWS ராஜிவ்காந்தி குறித்து பேசியதை திரும்பப்பெற முடியாது; கைதுக்கும் நான் பயப்படப்போவதில்லை - சீமான்
  • BREAKING-NEWS பாட்னா உயர்நீதிமன்ற தலைமை நீதிபதியாக இருக்கும் அம்ரேஷ்வர் பிரதாப் சாஹியை சென்னை உயர்நீதிமன்ற தலைமை நீதிபதியாக நியமிக்க கொலிஜியம் பரிந்துரை
  • BREAKING-NEWS ஐரோப்பிய ஒன்றியத்துடன் புதிய பிரெக்ஸிட் உடன்பாடு ஏற்பட்டது - பிரிட்டன் பிரதமர் போரிஸ் ஜான்சன்
  • BREAKING-NEWS நீட் தேர்வு ஆள்மாறாட்ட வழக்கில் கைதான மாணவர் உதித் சூர்யாவுக்கு நிபந்தனை ஜாமீன்

கேரள வெள்ள பாதிப்புகளை சரி செய்ய 1725 கோடி - உலக வங்கி 

world-bank-approves-250-million-loan-to-rebuild-kerala-post-floods

கடந்த ஆண்டு கேரளாவில் மழை வெள்ளத்தால் ஏற்பட்ட பாதிப்புகளை சரி செய்ய உலக வங்கி 250 மில்லியன் டாலர்களை கடன் அளித்துள்ளது.

2018 ஜூலை மற்றும் ஆகஸ்ட் மாதங்களில் கேரள மாநிலம் கனமழையை சந்தித்தது. இந்தக் கனமழையால் சாலை மற்றும் வீடுகளை வெள்ளம் புகுந்தது. இந்த வெள்ளத்தால் பல சாலைகள் மற்றும் வீடுகள் சேதமடைந்தன. இதனால் கேரள மாநிலம் முழுவதும் இயல்பு வாழ்க்கை பெரிதும் பாதிக்கப்பட்டிருந்தது. மறுபடியும் கேரள மாநிலம் இயல்பு நிலைக்கு திரும்ப பல நாட்களானது. மேலும் இந்த வெள்ளத்தால் ஏற்பட்ட பாதிப்புகளை சரி செய்ய கேரளா அரசு ‘ரீ பில்ட் கேரளா’ என்ற திட்டத்தை தொடங்கியது.  

இந்நிலையில் கேரள அரசுக்கு உலக வங்கி 250 மில்லியன் டாலர்களை (1725 கோடி ரூபாய்) கடனாக அளித்துள்ளது. இது தொடர்பாக உலக வங்கியின் கூட்டத்தில் முடிவு எடுக்கப்பட்டுள்ளது. அத்துடன் கூடிய விரைவில் இதற்கான ஒப்பந்தமும் கையெழுத்தாக உள்ளது. 

இந்தத் தொகையில் 160 மில்லியன் டாலர் பணம் உலக வங்கி வளர்ந்து வரும் நாடுகளுக்கு அளித்து வரும் ‘சர்வேதச வளர்ச்சிக்கான உதவி’ ஆக தரவுள்ளது. இந்தத் தொகைக்கு வட்டி 1 முதல் 1.5 சதவிகிதமாக இருக்கும். 

இதுகுறித்து கேரள மாநிலத்தில் ‘ரீபில்ட் கேரளா’ என்ற திட்ட பணிகளை மேற்கொண்டுள்ள அதிகாரிகள் மகிழ்ச்சி தெரிவித்துள்ளனர். கேரளாவில் ஏற்பட்ட பெருவெள்ளத்தால் 39ஆயிரம் கோடி இழப்பு ஏற்பட்டதாக அம்மாநிலம் கணித்திருந்தது குறிப்பிடத்தக்கது. 

Advertisement:
இது தொடர்பான செய்திகள் :
Advertisement:
Advertisement:
[X] Close