[X] Close
JUST IN
  • BREAKING-NEWS புவி வட்டப்பாதையில் இருந்து விலகிய சந்திரயான் -2, நிலவின் வட்டப் பாதையைச் சுற்றத் தொடங்கியது
  • BREAKING-NEWS பால் உற்பத்தியாளர்கள்-மக்கள் இடையே பிளவை ஏற்படுத்த முதல்வர் பழனிசாமி முயற்சிக்கிறார் - மு.க.ஸ்டாலின்
  • BREAKING-NEWS பரோலை மேலும் ஒரு மாதம் நீட்டிக்கக்கோரி சென்னை உயர்நீதிமன்றத்தில் நளினி வழக்கு. கோரிக்கை குறித்து சிறைத்துறை பதிலளிக்க உத்தரவு
  • BREAKING-NEWS ஜம்மு காஷ்மீர் விவகாரம் தொடர்பாக 22ஆம் தேதி டெல்லியில் திமுக சார்பில் ஆர்ப்பாட்டம். அனைத்துக் கட்சி எம்.பி.க்கள் பங்கேற்பார்கள் என மு.க.ஸ்டாலின் அறிவிப்பு
  • BREAKING-NEWS 12 மாவட்டங்களில் மிதமான மழைக்கு வாய்ப்பு என வானிலை ஆய்வு மையம் தகவல்

பாபுல் சுப்ரியோ பதவிப் பிரமாணத்தின்போது ஒலித்த ‘ஜெய் ஸ்ரீராம்’ கோஷம் 

bengal-ministers-take-oath-in-lok-sabha-cheered-with-jai-shri-ram

மேற்கு வங்கத்தை சேர்ந்த அமைச்சர்கள் பதவியேற்கும் போது நாடாளுமன்றத்தில் பாஜகவினர் ‘ஜெய் ஸ்ரீராம்’ என்று முழக்கமிட்டனர். 

17ஆவது மக்களவையின் முதல் கூட்டத்தொடர் இன்று தொடங்கியது. இந்தக் கூட்டத்தில் புதிய எம்பிக்களுக்கு தற்காலிக சபாநாயகர் விரேந்திர குமார் பதவிப் பிரமாணம் செய்து வைத்தார். அந்தவகையில் மேற்குவங்கத்தை சேர்ந்த மத்திய அமைச்சர்களான பாபுல் சுப்ரியோ மற்றும் தேபஸ்ரீ சௌதிரி பதவியேற்றனர். அப்போது பாஜகவினர் ‘ஜெய் ஸ்ரீராம்’ என்ற முழக்கத்தை எழுப்பினர். 

இது மேற்கு வங்க முதல்வர் மம்தா பானர்ஜியை தாக்கும் விதமாக அமைந்தது. ஏனென்றால் கடந்த மார்ச் மாதம் 31ஆம் தேதி மம்தா பானர்ஜியின் கார் வடக்கு 24 பர்கானா மாவட்டத்தில் செல்லும் போது சிலர் ‘ஜெய் ஸ்ரீராம்’ என முழக்கமிட்டனர். இதனையடுத்து 7 பேர் கைது செய்யப்பட்டனர். இதனைத் தொடர்ந்து பாஜகவினர் மம்தா பானர்ஜிக்கு ‘ஜெய் ஸ்ரீராம்’ என்று எழுதப்பட்ட கடிதங்களை அனுப்பி வைத்தனர். 

இதற்கு மம்தா பானர்ஜியின் கட்சியினர் பதில் கடிதமாக ‘ஜெய்ஹிந்த், ஜெய் பங்கலா’ என்ற வாசகத்துடன் அனுப்பிவந்தனர். இந்த விவகாரம் பாஜக மற்றும் திரிணாமுல் கட்சிகளுக்கு இடையில் பெரும் மோதலை ஏற்படுத்தியது. இந்தச் சூழலில் பாஜகவினர் நாடாளுமன்றத்தில் மீண்டும் ஜெய் ஸ்ரீராம் விவகாரத்தை நினைவு கூறியுள்ளது குறிப்பிடத்தக்கது. 

மேலும் இம்முறை மேற்கு வங்கத்தில் மக்களவைத் தேர்தலில்  பாஜக 18 இடங்களில் வெற்றிப்பெற்றுள்ளது. இது கடந்த 2014ஆம் ஆண்டு பாஜக பெற்ற 2 இடங்களைவிட மிகவும் அதிகமான இடங்களாகும். 

Advertisement:
இது தொடர்பான செய்திகள் :
Advertisement:
Advertisement:
[X] Close