[X] Close
JUST IN
  • BREAKING-NEWS தமிழகத்தில் காலியாக உள்ள 6 இடங்களுக்கு ஜூலை 18ம் தேதி மாநிலங்களவை தேர்தல் நடைபெறும் - தேர்தல் ஆணையம்
  • BREAKING-NEWS சுகாதாரத்துறையில் சிறந்த மாநிலங்களுக்கான பட்டியலில், கடந்தாண்டு 3வது இடத்திலிருந்த தமிழகம் இந்த ஆண்டு 9வது இடத்திற்கு பின்தங்கியது
  • BREAKING-NEWS குடிநீருக்காக கடல் நீரை குடிநீராக்கும் திட்டத்தை திமுக அரசு கொண்டு வந்தது; அத்திட்டங்களை அதிமுக அரசு செயல்படுத்தியிருந்தால் தமிழகம் தண்ணீர் பற்றாக்குறையை சந்தித்திருக்காது - மக்களவையில் தயாநிதி மாறன் எம்.பி. பேச்சு
  • BREAKING-NEWS ஜூலை மாதத்துக்கான 31.24 டிஎம்சி நீரை கர்நாடகா திறந்து விட உத்தரவிட வேண்டும் .கர்நாடக அரசு தண்ணீர் வழங்காததாலும் நீர் இருப்பு குறைவாக உள்ளதாலும் ஜூன் 12ல் மேட்டூர் அணையை திறக்க இயலவில்லை - டெல்லியில் நடைபெறும் காவிரி மேலாண்மை ஆணைய கூட்டத்தில் தமிழக அரசு வலியுறுத்தல்
  • BREAKING-NEWS இந்திய கடலோர காவல்படை இயக்குநராக தமிழகத்தை சேர்ந்த கே.நடராஜன் நியமனம்

இந்தியாவிலேயே இங்கேதான் வெயில் அதிகம் ! அனல் பறக்கும் ராஜஸ்தான்

rajasthan-s-churu-hottest-at-50-degrees

நாட்டிலேயே அதிகபட்சமாக ராஜஸ்தான் மாநிலத்தின் சுரு பகுதியில் 50 டிகிரி செல்சியசுக்கும் அதிகமாக வெப்பம் பதிவாகி வருகிறது. 

இந்தியாவில் அனைத்து பகுதிகளிலும் கோடை வெயில் வாட்டி வதைக்கின்றது. குறிப்பாக ராஜஸ்தான், டெல்லி, உத்தரபிரதேசம், மத்திய பிரதேசம், ஹரியானா, சண்டீகர் மற்றும் விதர்பா ஆகிய வட மாநிலங்களில் வெப்பத்தின் தாக்கம் அதிகமாக உள்ளது. நாட்டிலேயே அதிகபட்சமாக ராஜஸ்தான் மாநிலத்தின் சுரு பகுதியில் 50 டிகிரி செல்சியசுக்கும் அதிகமாக வெப்பம் பதிவாகி வருகிறது. 

இதனால் ஆங்காங்கே கடுமையான வெப்பக்காற்று வீசி வருகிறது. கடுமையான வெப்பத்தின் காரணமாக ராஜஸ்தான் மாநில மக்கள் தங்கள் அன்றாட வாழ்க்கை முறையையே மாற்றும் அளவுக்கு நிலைமை உள்ளது. அதேவேளையில் தண்ணீர் பஞ்சமும் ஆங்காங்கே நிலவுவதால் மக்கள் செய்வதறியாது திகைத்து வருகின்றனர்

அதிகாலை முதலே வெயில் அதிகரித்துக் காணப்படுவதால் காலை 10 மணிக்கு மேலே பொதுமக்கள் யாரும் வீட்டை விட்டு வெளியே செல்வதில்லை. இதனால் சாலைகள், பேருந்து நிலையங்கள், ரயில் நிலையங்களில் கூட்டம் இல்லாமல் வெறிச்சோடி காணப்படுகின்றன. எண்ணெய் உணவுகள், அசைவ உணவுகளை முற்றிலுமாக தவிர்த்துள்ள சுரு நகர மக்கள் காய்கறிகள், பழங்கள், மோர் உள்ளிட்ட உணவு வகைகளையே உட்கொண்டு வருகின்றனர்.

வெயில் காரணமாக உடல்நிலை பிரச்னைகளாலும் பொதுமக்கள் பாதிக்கப்பட்டுள்ளனர். சிகிச்சைக்காக மருத்துவமனையை நாடுவோர் எண்ணிக்கை உயர்ந்துள்ளதால் அங்கு மருத்துவர்கள் அனைவரும் விடுப்பின்றி பணியாற்ற வேண்டுமென அம்மாநில அரசு உத்தரவிட்டுள்ளது. கடும் வெயிலால் மக்கள் மட்டுமின்றி, பறவைகளும், விலங்குகளும் கடுமையாக பாதிக்கப்பட்டுள்ளன. மரங்களில் இருந்து பறவைகள் சுருண்டு விழுந்து உயிரிழப்பதாக கூறப்படுகிறது. கடுமையான வெயில் நிலவுவதாகவும், அடுப்புக்குள் இருப்பது போன்று உணர்வதாகவும் சுரு நகர மக்கள் தெரிவித்துள்ளனர்.

Advertisement:
Advertisement:
Advertisement:
[X] Close