[X] Close
JUST IN
  • BREAKING-NEWS திமுக எம்.பி.க்கள் இந்தி படித்துவிட்டு தமிழ் வாழ்க என கூறி மக்களவையில் பதவியேற்றுள்ளனர்; எங்களுக்கு அவ்வாறு நடிக்க தெரியாது - முதல்வர் பழனிசாமி
  • BREAKING-NEWS குடிநீர் பிரச்னைகள் இருக்கும் அனைத்து இடங்களிலும் லாரி மூலம் தேவையான அளவு குடிநீர் விநியோகம் செய்யப்படுகிறது - முதல்வர் பழனிசாமி
  • BREAKING-NEWS பொதுமக்களுக்கு இடையூறாக இருக்கும் என்பதால், எம்ஜிஆர் ஜானகி கல்லூரியில் நடிகர் சங்க தேர்தலை நடத்த அனுமதிக்க முடியாது - சென்னை உயர்நீதிமன்றம்
  • BREAKING-NEWS ஆவடி நகராட்சியை மாநகராட்சியாக தரம் உயர்த்தி அரசாணை வெளியிட்டது தமிழக அரசு
  • BREAKING-NEWS ராஜஸ்தானை சேர்ந்த எம்.பி. ஓம் பிர்லா, மக்களவை சபாநாயகராக தேர்ந்தெடுக்கப்படுவார் என தகவல்
  • BREAKING-NEWS பாரதிய ஜனதா கட்சியின் தேசிய செயல் தலைவராக ஜெ.பி.நட்டா தேர்வு செய்யப்பட்டார்
  • BREAKING-NEWS சென்னை பரங்கிமலை மெட்ரோ ரயில் நிலையத்தில் தண்ணீர் பற்றாக்குறையால் மூடப்பட்ட கழிவறை தற்போது நடவடிக்கை எடுக்கப்பட்டு திறக்கப்பட்டது

“அசோக் லவாசாவின் கோரிக்கை ஏற்பு” - தலைமைத் தேர்தல் ஆணையர் அறிவிப்பு

sunil-aurora-has-announced-that-election-commissioner-ashok-lavasa

தேர்தல் ஆணையர் அசோக் லவாசாவின் கருத்து ஏற்கப்படும் எனத் தலைமை தேர்தல் ஆணையர் சுனில் அரோரா அறிவித்துள்ளார்.

தேர்தல் ஆணையத்துக்கு ஒரு தலைமை தேர்தல் ஆணையர், இரண்டு ஆணையர்கள் இருப்பது வழக்கம். அதன்படி தலைமை தேர்தல் ஆணையராக சுனில் அரோரா இருக்கிறார். ஆணையர்களாக அசோக் லவாசா, சுசில் சந்திரா ஆகியோர் இருக்கின்றனர். தேர்தல் தொடர்பான முக்கிய முடிவுகளை இவர்கள் மூன்று பேரும் கூடி எடுப்பது வழக்கம். 

இதனிடையே தேர்தல் நடத்தை விதி மீறல்கள் தொடர்பான முடிவுகளில் தன்னுடைய கருத்துகள் ஏற்கப்படவில்லை எனத் தேர்தல் ஆணையர் அசோக் லவாசா புகார் தெரிவித்தார். அத்துடன் தேர்தல் ஆணையம் தொடர்பான கூட்டங்களில் பங்கேற்கப் போவதில்லை எனக் கூறினார்.

கடந்த ஏப்ரல் 18-ஆம் தேதி தேர்தல் விதிமீறல் புகார்களை விரைவாக கையாள்வது குறித்து தேர்தல் ஆணையர்களுக்கு அசோக் லவாசா கடிதம் எழுதியுள்ளார். ஆனால் கிட்டத்தட்ட 1 மாதத்திற்கும் மேலாகியும் அவரின் கருத்து குறித்து மற்ற ஆணையர்கள் தரப்பில் எந்த முடிவும் எடுக்கப்படவில்லை எனத் தெரிகிறது. 

அத்துடன் தேர்தல் விதிமீறல் புகாரில், ஒருவருக்கு நற்சான்றிதழ் வழங்கப்படும்போது மூவர் குழுவில் மற்ற இரண்டு ஆணையர்களின் பெருவாரியான கருத்தை குறிப்பிடும்போதும், தன் கருத்தை குறிப்பிடாமல் இருந்ததால் அசோக் லவாசா போர்க்கொடி உயர்த்தியுள்ளார்.

இதுகுறித்து அசோக் லவாசா கூறும்போது, “தேர்தல் ஆணையத்தின் அதிகாரம் என்பது இந்திய அரசியலமைப்புச் சட்டம் 324-ன் கீழ்தான் வருகிறது. தேர்தல் பரப்புரையில் ஒருவர் விதியை மீறி பேசும்போது, ஏன் பேசக்கூடாது என்பதற்கான காரணத்தை குறிப்பிட வேண்டும். அப்படியென்றால் ஒருவருக்கு நற்சான்றிதழ் வழங்கப்படும் போதும் அதற்கு எதிர்ப்பு தெரிவிப்பவர்களின் கருத்தையும் நிச்சயம் குறிப்பிட வேண்டும். ஆனால் இங்கு மூவர் குழுவில் பெருவாரியானோர் எடுக்கும் முடிவு மட்டுமே தெரிவிக்கப்படுகிறது” எனத் தெரிவித்தார்.

இந்நிலையில், தேர்தல் ஆணையர் அசோக் லவாசாவின் கருத்து ஏற்கப்படும் எனத் தலைமை தேர்தல் ஆணையர் சுனில் அரோரா அறிவிப்பு வெளியிட்டுள்ளார். ஆலோசனை கூட்டங்களில் பங்கேற்கு ஆணையர்களின் அனைத்து கருத்துகளும் பதிவு செய்யப்படும் எனத் தெரிவிக்கப்பட்டுள்ளது. 

Advertisement:
Advertisement:
Advertisement:
[X] Close