[X] Close
JUST IN
  • BREAKING-NEWS ஒவ்வொரு சட்டமன்ற தொகுதிக்குட்பட்ட வாக்குச்சாவடிகளிலும் 5 வி.வி.பேட் இயந்திரங்களில் உள்ள பதிவு சீட்டுகளை மின்னணு வாக்கு பதிவு இயந்திரங்களில் பதிவாகியுள்ள எண்ணிக்கையுடன் சரிபார்ப்பதற்கு கூடுதல் அவகாசம் தேவைப்படுகிறது - தேர்தல் ஆணையம்
  • BREAKING-NEWS மக்களவைத் தேர்தல் முடிவுகளை அறிவிப்பதில் ஐந்து மணி நேரம் தாமதம் ஏற்படும் - தேர்தல் ஆணையம்
  • BREAKING-NEWS ஸ்டெர்லைட் ஆலைக்கு எதிராக கருத்து கொண்டோரை தமிழக அரசு துன்புறுத்துவது ஏன்?- தமிழக அரசுக்கு உயர்நீதிமன்ற மதுரை கிளை கேள்வி
  • BREAKING-NEWS வேலூர், தருமபுரி, சேலம் உள்ளிட்ட உள்தமிழகத்தின் ஒருசில இடங்களில் அனல் காற்று வீசும்- சென்னை வானிலை ஆய்வு மையம்
  • BREAKING-NEWS தூத்துக்குடி துப்பாக்கிச்சூடு சம்பவம் தொடர்பான வழக்கை முடித்து வைத்தது தேசிய மனித உரிமைகள் ஆணையம்
  • BREAKING-NEWS 10 மாநில தேர்தல் அதிகாரிகளுடன் தலைமை தேர்தல் ஆணையர் சுனில் அரோரா நடத்தவிருந்த ஆலோசனை ரத்து
  • BREAKING-NEWS காவிரி ஒழுங்காற்று குழு கூட்டம் டெல்லியில் நாளை கூடுகிறது; காவிரி மேலாண்மை ஆணைய கூட்டம் வரும் 28ம் தேதி டெல்லியில் நடைபெறுகிறது

“நீட் தேர்வில் தமிழகத்திற்கு விலக்கு இல்லை” - பிரகாஷ் ஜவடேகர்

we-can-t-excuse-for-tamil-nadu-in-neet-exam-prakash-javadekar

அனைத்து மாநிலங்களும் ஏற்றுக்கொண்ட நிலையில் தமிழகத்திற்கு மட்டும் நீட் தேர்விலிருந்து விலக்கு அளிக்கமுடியாது என மத்திய மனிதவள மேம்பாட்டுத்துறை அமைச்சர் பிரகாஷ் ஜவடேகர் தெரிவித்துள்ளார்.

நீட் தேர்வு தொடர்பாக புதிய தலைமுறையிடம் பேசிய பிரகாஷ் ஜவடேகர், “தமிழக மாணவர்கள் கல்வியில் சிறந்து விளங்குகின்றனர். பல மாநிலங்களுக்கும் தமிழகம் எடுத்துக்காட்டாக உள்ளது. டிஜிட்டல் முறை கல்வியில் தமிழகம் முதன்மை மாநிலமாக சிறந்து விளங்குகிறது. நீட் தேர்வில் மாணவர்களிடம் சோதனை நடத்துவது என்பது உச்சநீதிமன்ற வழிகாட்டுதலின் படியே நடத்தப்படுகிறது. நீட் தேர்வை அனைத்து மாநிலங்களும் தற்போது ஏற்றுக்கொண்டுள்ளன. 

இந்நிலையில் நீட் தேர்வில் ஒரு மாநிலத்திற்கு மட்டும் விலக்கு அளிப்பதற்கான சாத்தியக்கூறு இல்லை. எனவே தமிழகத்திற்கு மட்டும் நீட் தேர்வில் விலக்கு அளிப்பது என்பது இயலாதது. நீட் தேர்வினால் தனியார் கல்லூரிகளில் அதிக கட்டணம் செலுத்தி மருத்துவம் படிக்கும் நிலை குறைந்துள்ளது” என்று தெரிவித்தார். 

முன்னதாக தமிழகத்திற்கு நீட் தேர்வில் இருந்து விலக்கு அளிக்க அளிக்க வேண்டும் என ஆளும் அதிமுக உட்பட அனைத்து கட்சிகளும் மத்திய அரசிடம் கோரிக்கை விடுத்துள்ளன. மத்தியில் ஆட்சி செய்யும் பாஜகவுடன் கூட்டணி வைத்துள்ள அதிமுக அரசு, பாஜக மீண்டும் ஆட்சிக்கு வந்தால் தமிழகத்திற்கு நீட்டிலிருந்து விலக்கு அளிக்க வலியுறுத்தப்படும் எனத் தேர்தல் அறிக்கையில் தெரிவித்துள்ளது. இந்நிலையில் தமிழகத்திற்கு நீட் தேர்விலிருந்து விலக்கு அளிக்க முடியாது என மத்திய மனிதவள மேம்பாட்டுத்துறை அமைச்சர் திட்டவட்டமாக தெரிவித்திருப்பது குறிப்பிடத்தக்கது.

Advertisement:
இது தொடர்பான செய்திகள் :
Advertisement:
Advertisement:
[X] Close