[X] Close
JUST IN
  • BREAKING-NEWS தமிழகத்தில் காலியாக உள்ள 6 இடங்களுக்கு ஜூலை 18ம் தேதி மாநிலங்களவை தேர்தல் நடைபெறும் - தேர்தல் ஆணையம்
  • BREAKING-NEWS சுகாதாரத்துறையில் சிறந்த மாநிலங்களுக்கான பட்டியலில், கடந்தாண்டு 3வது இடத்திலிருந்த தமிழகம் இந்த ஆண்டு 9வது இடத்திற்கு பின்தங்கியது
  • BREAKING-NEWS குடிநீருக்காக கடல் நீரை குடிநீராக்கும் திட்டத்தை திமுக அரசு கொண்டு வந்தது; அத்திட்டங்களை அதிமுக அரசு செயல்படுத்தியிருந்தால் தமிழகம் தண்ணீர் பற்றாக்குறையை சந்தித்திருக்காது - மக்களவையில் தயாநிதி மாறன் எம்.பி. பேச்சு
  • BREAKING-NEWS ஜூலை மாதத்துக்கான 31.24 டிஎம்சி நீரை கர்நாடகா திறந்து விட உத்தரவிட வேண்டும் .கர்நாடக அரசு தண்ணீர் வழங்காததாலும் நீர் இருப்பு குறைவாக உள்ளதாலும் ஜூன் 12ல் மேட்டூர் அணையை திறக்க இயலவில்லை - டெல்லியில் நடைபெறும் காவிரி மேலாண்மை ஆணைய கூட்டத்தில் தமிழக அரசு வலியுறுத்தல்
  • BREAKING-NEWS இந்திய கடலோர காவல்படை இயக்குநராக தமிழகத்தை சேர்ந்த கே.நடராஜன் நியமனம்

அரசியலில் இருந்து ஓய்வு பெறும் எண்ணமில்லை: தேவகவுடா

not-going-to-retire-will-be-by-rahul-s-side-deve-gowda

முழு நேர அரசியலில் இருந்து ஓய்வு பெறும் எண்ணமில்லை என்று முன்னாள் பிரதமர் தேவகவுடா தெரிவித்துள்ளார். 

கர்நாடகாவில் காங்கிரஸ்-ஜனதா தளம்(எஸ்) கட்சிகள் கூட்டணி அமைத்து ஆட்சி நடத்தி வருகின்றன. முதலமைச்சராக ஜனதா தளம்(எஸ்) கட்சியைச் சேர்ந்த குமாரசாமி இருக்கிறார். இவர், முன்னாள் பிரதமர் தேவகவுடாவின் இரண்டாவது மகன். மக்களவைத் தேர்தலில் மாண்டியா தொகுதியில் இவர் பேரனும் முதலமைச்சர் குமாரசாமியின் மகனுமான நிகில் குமாரசாமியும், ஹாசன் தொகுதியில் அமைச்சர் எச்.டி.ரேவண்ணாவின் மகனும் தேவகவுடாவின் மற்றொரு பேரனுமான பிரஜ்வலும் போட்டியிட்டுள்ளனர். 

இவர்கள் வேட்பு மனு தாக்கலுக்கு முன்பாக, ஹாசன் மாவட்டத்தில் உள்ள, குலதெய்வ கோவிலில் சிறப்பு பூஜை செய்து தேர்தல் பிரசாரத்தை தொடங்கிய போது, தேவகவுடா, ‘’மக்களவைத் தேர்தலில் ஹாசன் தொகுதியில் என் பேரன் பிரஜ்வல் போட்டியிடுகிறார். அவருக்கு நீங்கள் வாக்களிக்க வேண்டும். நான் இனி தேர்தலில் போட்டியிடமாட்டேன். இனி தேர்தலில் நிற்கப்போவதில்லை என்று முடிவு செய்துள்ளேன்’’ என்று கண்ணீர் மல்க கூறினார்.

ஆனால், அடுத்த சில நாட்களிலேயே தும்கூர் தொகுதியில் வேட்பாளராக களமிறங்கினார். இந்நிலையில், அரசியலில் இருந்து ஓய்வு பெறும் எண்ணமில்லை என்று அவர் தெரிவித்துள்ளார். 

இதுபற்றி அவர் கூறும்போது, ‘’ அரசியலில் இருந்து ஓய்வு பெறுவதாகக் கூறியிருந்தேன். அது உண்மைதான். ஆனால், இப்போதைய சூழ்நிலை, என்னை தேர்தலில் போட்டியிட வேண்டிய கட்டாயத்துக்குத் தள்ளியுள்ளது. அதனால் முழு நேர அரசியலில் இருந்து ஓய்வு பெறும் எண்ணமில் லை. ராகுல் காந்தி வெற்றி பெற்று பிரதமர் ஆனால், அவருக்குப் பக்கப்பலமாக நான் இருப்பேன்’’ என்றார். 

Advertisement:
இது தொடர்பான செய்திகள் :
Advertisement:
Advertisement:
[X] Close