[X] Close
JUST IN
  • BREAKING-NEWS தமிழகத்தில் காலியாக உள்ள 6 இடங்களுக்கு ஜூலை 18ம் தேதி மாநிலங்களவை தேர்தல் நடைபெறும் - தேர்தல் ஆணையம்
  • BREAKING-NEWS சுகாதாரத்துறையில் சிறந்த மாநிலங்களுக்கான பட்டியலில், கடந்தாண்டு 3வது இடத்திலிருந்த தமிழகம் இந்த ஆண்டு 9வது இடத்திற்கு பின்தங்கியது
  • BREAKING-NEWS குடிநீருக்காக கடல் நீரை குடிநீராக்கும் திட்டத்தை திமுக அரசு கொண்டு வந்தது; அத்திட்டங்களை அதிமுக அரசு செயல்படுத்தியிருந்தால் தமிழகம் தண்ணீர் பற்றாக்குறையை சந்தித்திருக்காது - மக்களவையில் தயாநிதி மாறன் எம்.பி. பேச்சு
  • BREAKING-NEWS ஜூலை மாதத்துக்கான 31.24 டிஎம்சி நீரை கர்நாடகா திறந்து விட உத்தரவிட வேண்டும் .கர்நாடக அரசு தண்ணீர் வழங்காததாலும் நீர் இருப்பு குறைவாக உள்ளதாலும் ஜூன் 12ல் மேட்டூர் அணையை திறக்க இயலவில்லை - டெல்லியில் நடைபெறும் காவிரி மேலாண்மை ஆணைய கூட்டத்தில் தமிழக அரசு வலியுறுத்தல்
  • BREAKING-NEWS இந்திய கடலோர காவல்படை இயக்குநராக தமிழகத்தை சேர்ந்த கே.நடராஜன் நியமனம்

காதலிக்காக ஆணாக மாறிய கேரளப் பெண்: திடீர் பிரிவால் நேர்ந்த சோகம்

kerala-girl-undergoes-sex-change-surgery-to-marry-lover-feels-cheated-as-lover-dumps-him

தன் காதலுக்காக அறுவை சிகிச்சை மூலம் ஆணாக மாறிய பெண்ணை அவரது காதலி விட்டுச்சென்றுவிட்டதாக அவர் குற்றஞ்சாட்டியுள்ளார்.

திருவனந்தபுரத்தைச் சேர்ந்த அர்ச்சனா ராய் என்ற பெண் தனியார் நிறுவனம் ஒன்றி பணிபுரிந்து வந்துள்ளார். அங்கு பணிபுரியும் மற்றொரு பெண்ணுடன் அவருக்கு நட்பு ஏற்பட்டுள்ளது. இந்த நட்பு காதலாக மாறியுள்ளது. இருப்பினும் இரண்டு பேரும் பெண் என்பதால் சேர்ந்து வாழ முடியாத நிலை ஏற்பட்டுள்ளது. 

இதையடுத்து இருவரும் ஆலோசித்து ஒரு முடிவிற்கு வந்துள்ளனர். அதன்படி, அர்ச்சானா அறுவை சிகிச்சை மூலம் ஆணாக மாறுவதாக முடிவு செய்துள்ளார். அதன்பின்னர் திருமணம் செய்துகொண்டு இருவரும் இறுதிவரை வாழலாம் என முடிவெடுத்துள்ளனர். இந்த முடிவிற்கு அர்ச்சனாவின் காதலியும் சம்மதித்து, இறுதிவரை இருப்பேன் என வாக்குறுதி அளித்ததாக அர்ச்சானா கூறியுள்ளார். 

இதையடுத்து சென்னையில் உள்ள தனியார் மருத்துவமனையில் அறுவை சிகிச்சை செய்துகொண்டு அர்ச்சானா ஆணாக மாறியுள்ளார். அத்துடன் தனது பெயரை திபு எனவும் மாற்றிக்கொண்டார். இதைத்தொடர்ந்து இருவருக்கும் திருமணம் நடந்துள்ளது. 

ஆனால் சில காலம் சென்றதும் கொடுத்த வாக்குறுதியை மறந்துவிட்டு, தன்னை தனிமையில் தவிக்கவிட்டு தனது காதலி பிரிந்து சென்றுவிட்டதாக திபு குற்றஞ்சாட்டியுள்ளார். அத்துடன் தான் ஆணாக மாறுவதற்கு முன்னர் தனது காதலியுடன் தொலைபேசி மற்றும் வாட்ஸ் அப் மூலம் நடத்திய உரையாடல்களை அவர் சாட்சியாக காண்பிடித்துள்ளார்.

ஆனால் பிரிந்து சென்ற காதலி திபுவிற்கு எதிராக காவல்நிலையம் மற்றும் நீதிமன்றத்தில் மனு கொடுத்துள்ளார். இதனால் தான் வருத்தமடைந்துள்ளதாக திபு கூறியுள்ளார். இருப்பினும் தான் ஆணாகவே வாழ முடிவு செய்துள்ளதாகவும், தனது வாழ்வை கதையாக எழுதவுள்ளதாகவும் திபு கூறியுள்ளார். 

ஏனென்றால் தன்னைப் போன்று யாரும் பாதிக்கப்பட்டு விடக்கூடாது என்பதற்காக அதை எழுதுவதாகவும் அவர் தெரிவித்துள்ளார். தனது சோகங்களை மறந்து வாழ முயற்சிக்கப்போவதாகவும், சொன்னதை மறந்து பிரிந்து சென்ற தனது காதலி ஒருநாள் கண்டிப்பாக புரிந்துகொண்டு திரும்பி வருவார் என்ற நம்பிக்கைவுள்ளதாகவும் திபு கூறியுள்ளார்.

Advertisement:
இது தொடர்பான செய்திகள் :
Advertisement:
Advertisement:
[X] Close