[X] Close
JUST IN
  • BREAKING-NEWS டெல்லி அர்பித் பேலஸ் ஓட்டல் தீ விபத்தில் 17பேர் உயிரிழந்த சம்பவத்தில், தலைமறைவாக இருந்த ஓட்டல் உரிமையாளர் ராகேஷ் கோயலை கைது செய்தது டெல்லி குற்றப்பிரிவு போலீஸ்
  • BREAKING-NEWS கோவை: செட்டிபாளையத்தில் ஜல்லிக்கட்டு போட்டியை அமைச்சர் எஸ்.பி.வேலுமணி தொடங்கி வைத்தார்; ஜல்லிக்கட்டில் 700க்கும் மேற்பட்ட காளைகள், 600க்கும் மேற்பட்ட மாடுபிடி வீரர்கள் பங்கேற்பு
  • BREAKING-NEWS சென்னையில் பெட்ரோல் லிட்டருக்கு ரூ. 73.28 காசுகளாகவும், டீசல் லிட்டருக்கு ரூ. 69.57 காசுகளாகவும் விலை நிர்ணயம்
  • BREAKING-NEWS புல்வாமா தாக்குதலை தொடர்ந்து டெல்லியில் உள்துறை அமைச்சர் ராஜ்நாத் சிங் தலைமையில் நாளை அனைத்துக் கட்சி கூட்டம் நடைபெறுகிறது
  • BREAKING-NEWS தமிழகத்தில் மார்ச் 10ம் தேதி தீவிர போலியோ சொட்டு மருந்து முகாம் நடைபெறும்
  • BREAKING-NEWS புல்வாமா பயங்கரவாத தாக்குதலை தொடர்ந்து பாகிஸ்தானில் உள்ள இந்திய தூதர் டெல்லி திரும்ப மத்திய அரசு உத்தரவு
  • BREAKING-NEWS புல்வாமா பயங்கரவாத தாக்குதலுக்கு பாகிஸ்தான் பதில் சொல்லியே ஆக வேண்டும்; சரியான, உறுதியான பதிலடி கொடுக்கப்படும் - மத்திய அமைச்சர் நிதின் கட்கரி

2000, 200 ரூபாய் நோட்டுகளில் இப்படியும் ஒரு சிக்கல் - பொதுமக்கள் அவதி

want-to-exchange-mutilated-rs-2000-currency-notes-not-possible-yet-says-rbi

2000, 200 ரூபாய் நோட்டுகளை வங்கிகளில் மாற்றுவதில் சிக்கல் நீடித்து வருவதால் பொதுமக்கள் சிரமத்திற்கு ஆளாகி வருகின்றனர். 

வழக்கமாக நாம் பயன்படுத்தும் ரூபாய் நோட்டுகள் அழுக்கடைந்து விட்டாலோ அல்லது கிழிந்துவிட்டாலோ வங்கிகளில் சென்று மாற்றிக் கொள்வோம். குறிப்பாக மளிகைக் கடை, மார்க்கெட்டுகளில் கடை நடத்துவோர் உள்ளிட்ட சிலருக்கு அடிக்கடி இதுபோன்று நோட்டுகளை மாற்ற வேண்டிய தேவையிருக்கும். கிழிந்த நோட்டுகளை சேர்த்து மொத்தமாக வைத்து வங்கிகளில் சென்று மாற்றிக் கொண்டு வருவார்கள். ஆனால், புதிதாக தற்போது புழகத்தில் இருக்கும் 2000, 200 ரூபாய் நோட்டுகளை அவ்வாறு மாற்ற இயலாத நிலை உள்ளது.

2016ம் ஆண்டு நவம்பர் 8-ம் தேதி பண மதிப்பிழப்பு நடவடிக்கைக்கு பிறகு உடனடியாக கொண்டு வரப்பட்டது 2000 ரூபாய் நோட்டுகள். அதன் பிறகு 2017 ஆகஸ்ட் மாதம் 200 ரூபாய் நோட்டுகள் கொண்டுவரப்பட்டது. தற்போது, இந்த இரண்டு நோட்டுகளும் அதிக அளவில் புழகத்தில் உள்ளன. குறிப்பாக சமீப காலமாக ஏடிஎம்களில் 200 ரூபாய் நோட்டுகள் அதிகம் புழகத்தில் உள்ளன. 6.70 லட்சம் கோடி ரூபாய் அளவில் 2000 ரூபாய் நோட்டுகள் அச்சடிக்கப்பட்டுள்ளதாக ஏற்கனவே ரிசர்வ் வங்கி தெரிவித்து இருந்தது. 

இந்நிலையில், தற்போது அதிகம் புழகத்தில் உள்ள 2000, 200 ரூபாய் நோட்டுகளை மாற்றிக் கொள்ள முடியாத நிலை உள்ளது. நோட்டுகளை மாற்றிக் கொள்வதற்கான ரிசர்வ் வங்கி விதிகளின் படி ரூ.5, ரூ.10, ரூ.50, ரூ.100, ரூ.500, ரூ.1000, ரூ.5000 மற்றும் ரூ.10000 நோட்டுகளை மட்டும் தான் கிழிந்தால் அல்லது அழுக்கானால் மாற்றிக் கொள்ள முடியும். ஆனால், 2000, 200 ரூபாய் நோட்டுகளையும் மாற்றிக் கொள்ளும் வகையில், ரிசர்வ் வங்கி விதியின் பிரிவு 28 இன்னும் திருத்தப்படவில்லை. இதனால், வாடிக்கையாளர்கள் நோட்டுகளை மாற்ற முடியாமல் கடும் அவதிக்குள்ளாகிறார்கள்.

         

இதுதொடர்பாக மத்திய வங்கியானது, நிதித்துறை அமைச்சகத்திற்கு ஏற்கனவே கடிதம் எழுதியுள்ளது. மத்திய அரசு விதிகளை திருத்துவதற்கு ஏன் இவ்வளவு காலம் எடுத்துக் கொள்கிறது என்று தெரியவில்லை என வாடிக்கையாளர்கள் தரப்பில் கவலை தெரிவிக்கின்றனர். விரைவில் தேவையான மாற்றங்களை செய்யப்படும் என நிதி அமைச்சக அதிகாரிகள் தரப்பில் தெரிவிக்கப்படுகிறது. 

Advertisement:
Advertisement:
Advertisement:
[X] Close