[X] Close
JUST IN
  • BREAKING-NEWS மறைந்த மத்திய அமைச்சர் அனந்த்குமாரின் தொகுதியான தெற்கு பெங்களூரு காலியாக உள்ளதாக தேர்தல் ஆணையம் அறிவிப்பு
  • BREAKING-NEWS தமிழகம் மற்றும் புதுச்சேரியில் ஒருசில இடங்களில் அடுத்த 3 மணி நேரத்துக்கு மழை பெய்யும் - வானிலை ஆய்வு மையம்
  • BREAKING-NEWS காஞ்சிபுரம்: செங்கல்பட்டு, மதுராந்தகம் மற்றும் அதன் சுற்றுவட்டாரப் பகுதிகளில் கனமழை
  • BREAKING-NEWS கஜா புயலால் பாதிக்கப்பட்ட 7 மாவட்ட மக்களுக்கு நடிகர் விஜய் தனது மக்கள் இயக்கம் மூலம் நிதியுதவி
  • BREAKING-NEWS புதுச்சேரி மற்றும் காரைக்கால் சுற்றுவட்டார பகுதிகளில் கனமழை
  • BREAKING-NEWS சென்னையில் பெட்ரோல் லிட்டருக்கு ரூ.79.31 காசுகளாகவும், டீசல் லிட்டருக்கு ரூ.75.31 காசுகளாகவும் விலை நிர்ணயம்
  • BREAKING-NEWS சென்னை மெரினா கடற்கரை சாலையில் எம்ஜிஆர் நூற்றாண்டு வளைவை திறக்க உயர்நீதிமன்றம் தடை

இஸ்லாமிய மதபோதகர் ஜாகிர் நாயக் மீது 58 பக்க குற்றப்பத்திரிக்கை தாக்கல்

nia-files-charge-sheet-against-zakir-naik-in-hate-speech-incitement-case

தற்போது வெளிநாட்டில் உள்ள இஸ்லாமிய மதபோதகர் ஜாகிர் நாயக் மீது தீவிரவாத செயல்களில் ஈடுபட தூண்டியதாக தேசிய புலனாய்வு அமைப்பு குற்றப்பத்திரிக்கை தாக்கல் செய்துள்ளது.

வங்கதேச தலைநகர் டாக்காவில் வெளிநாட்டினர் தங்கி இருந்த ஒரு ஓட்டலில் தீவிரவாதிகள் திடீர் தாக்குதல் நடத்தினர். இந்த தாக்குதலில் 22 பேர் உயிரிழந்தனர். தாக்குதலில் தொடர்புடையவர்களில் ஒருவரான ரோகன் இம்தியாஸ், மும்பையை சேர்ந்த இஸ்லாமிய மதபோதகர் ஜாகிர் நாயக்கின் பேச்சுக்களை சமூக வலைத்தளத்தில் பரப்பி இருந்தார். இதனால் அவர் ஜாகிர் நாயக்கின் வன்முறை பேச்சால் பயங்கரவாத தாக்குதலுக்கு தூண்டப்பட்டதாக குற்றம்சாட்டப்பட்டது.

51 வயதாகும் ஜாகிர் நாயக், கடந்த ஆண்டு ஜூலை 1 ஆம் தேதி இந்தியாவில் இருந்து வெளியேறினார். அதன் பிறகு அவர் இந்தியா திரும்பவில்லை. ஜாகிர் நாயக் மீது இந்திய தண்டனை சட்டத்தின் பல்வேறு பிரிவுகளின் கீழ் தேசியப் புலனாய்வு அமைப்பு அதிகாரிகள் கடந்த ஆண்டு நவம்பர் 18 ஆம் தேதி வழக்குப் பதிவு செய்தனர். அதற்கு முந்தைய தினம், ஜாகிர் நாயக்கின் இஸ்லாமிய ஆராய்ச்சி அறக்கட்டளையை சட்ட விரோத அமைப்பாக மத்திய அரசு அறிவித்தது. வெறுப்புணர்வைத் தூண்டும் வகையில் பேசியது, தீவிரவாதிகளுக்கு நிதியுதவி அளித்தது, கருப்புப் பண மோசடி ஆகியவை ஜாகிர் நாயக் மீதான குற்றச்சாட்டுகளாகும். இந்தக் குற்றச்சாட்டுகள் தொடர்பாக, தேசியப் புலனாய்வு அமைப்பு வழக்குப் பதிவு செய்து விசாரணை நடத்தி வந்தது. இதற்கிடையில், ஜாகிர் நாயக்கை தேடப்படும் குற்றவாளியாக தேசிய புலனாய்வு அமைப்பு அறிவித்தது.

இன்று, இளைஞர்களை தீவிரவாத செயல்களில் ஈடுபட தூண்டியதாக தொடரப்பட்ட வழக்கில் ஜாகிர் நாயக் மீது தேசிய புலனாய்வு அமைப்பு குற்றப்பத்திரிகை தாக்கல் செயதுள்ளது. 58 பக்கங்கள் கொண்ட குற்றப்பத்திரிக்கையில் ஜாகிர் நாயக் தலைமறைவாகிவிட்டதாகவும் மதரீதியான பிரச்னையை தூண்ட சதி செய்ததாகவும் கூறப்பட்டுள்ளது.

தற்போது சவுதி அரேபியாவில் உள்ள ஜாகிர் நாயக், அந்நாட்டு குடியுரிமை பெற முயற்சித்து வருகிறார். ஆனால் இன்னும் கிடைக்கவில்லை. முன்னதாக இந்திய ஊடகங்களுக்கு பேட்டியளித்த போதெல்லாம் தன் மீதான குற்றச்சாட்டுகள் அனைத்தையும் ஜாகிர் நாயக் மறுத்துள்ளார்.

Advertisement:
இது தொடர்பான செய்திகள் :
Advertisement:
Advertisement:
[X] Close