[X] Close
JUST IN
  • BREAKING-NEWS இந்திய அணி கிரிக்கெட் வீரர்கள் ஹர்திக் பாண்டியா, கே.எல்.ராகுல் மீதான இடைக்காலத்தடை திரும்பப்பெறப்பட்டது
  • BREAKING-NEWS பேரறிவாளனை விடுவிக்க ஆளுநர் கையெழுத்திடும் வரை என்னுடைய மக்கள் சந்திப்பு பயணம் தொடரும் - பேரறிவாளன் தாய் அற்புதம்மாள்
  • BREAKING-NEWS தமிழும் தமிழ்நாடும் மனதுக்கு நெருக்கமானவை என எப்போதும் சொல்வேன்; நாட்டில் மிக அழகான மாநிலம் தமிழ்நாடு - உலக முதலீட்டாளர் மாநாட்டின் நிறைவு நிகழ்ச்சியில் துணை குடியரசு தலைவர் வெங்கையா நாயுடு பேச்சு
  • BREAKING-NEWS மத்திய மாநில அரசுகள் இடையே ஒத்துழைப்பும் ஒருங்கிணைப்புமே வளர்ச்சி தரும் - துணை குடியரசு தலைவர் வெங்கையா நாயுடு
  • BREAKING-NEWS குக்கர் சின்னத்தை உச்சநீதிமன்றம் அளிக்கும் என உறுதியாக நம்புகிறோம் - வழக்கறிஞர் ராஜா செந்தூர்பாண்டியன்
  • BREAKING-NEWS Videocon நிறுவனத்துக்கு கடன் வழங்கிய விவகாரத்தில் ஐ.சி.ஐ.சி.ஐயின் முன்னாள் தலைவர் சாந்தா கோச்சார் மீது சிபிஐ வழக்கு பதிவு
  • BREAKING-NEWS ஜாக்டோ ஜியோ போராட்டத்தில் ஈடுபட்டுவரும் ஆசிரியர்களுக்கு பதிலாக தற்காலிக ஆசிரியர்களை நியமிக்க பள்ளி கல்வித்துறை அரசாணை

எம்.பி., மறைவையொட்டி நாடாளுமன்றம் ஒத்திவைப்பு

parliament-adjourns-tomorrow

நாடாளுமன்றத்தில் மயங்கி விழுந்த இந்தியன் யூனியன் முஸ்லீம் லீக் கட்சி எம்.பி., ஈ.அகமது இன்று அதிகாலை உயிரிழந்தார். அவரது மறைவுக்கு இரங்கல் தெரிவிக்கும் வகையில் நாளை நாடாளுமன்ற அவை ஒத்தி வைக்கப்படுகிறது.

இந்தியன் யூனியன் முஸ்லீம் லீக் கட்சி எம்.பி ஈ.அகமது அவர்களின் மறைவைத் தொடர்ந்து இன்று பட்ஜெட்டைத் தாக்கல் செய்யாமல் அவையை ஒத்தி வைக்க வேண்டும் என காங்கிரஸ் உறுப்பினர்கள் கோரிக்கை எழுப்பினர். ஆனால் இன்று பட்ஜெட் தாக்கல் செய்ய வேண்டியிருப்பதால், நாளை அவை ஒத்தி வைக்கப்படும் என மக்களவை சபாநாயகர் சுமித்ராமகாஜன் தெரிவித்தார்.அதனைத் தொடர்ந்து அவையில் மத்திய நிதியமைச்சர் அருண்ஜேட்லி பட்ஜெட்டைத் தாக்கல் செய்து உரையாற்றினார். நாடாளுமன்றத்தில் நேற்று குடியரசுத்தலைவர் உரையாற்றிக் கொண்டிருந்தபோது எம்.பி ஈ.அகமது திடீரென மயங்கி விழுந்தார். உடனடியாக அவர் டெல்லி ஆர்.எம்.எல். மருத்துவமனையில் அனுமதிக்கப்பட்டார். இதயத் துடிப்பு இல்லாத நிலையில், செயற்கை சுவாசம் அளித்து மருத்துவர்கள் தீவிர சிகிச்சை அளித்தனர். எனினும் சிகிச்சை பலனின்றி ஈ அகமது உயிரிழந்ததாக மருத்துவர்கள் அறிவித்தனர். அகமதுவின் மறைவுக்கு இரங்கல் தெரிவிக்கும் வகையில் நாளை அவை ஒத்தி வைக்கப்படுகிறது. இதனைதொடர்ந்து, நாளை மறுநாள் (வெள்ளிக்கிழமை) அவை மீண்டும் கூடும் என்று அறிவிக்கப்பட்டுள்ளது. 

Advertisement:
இது தொடர்பான செய்திகள் :
Advertisement:
Advertisement:
[X] Close