[X] Close
JUST IN
  • BREAKING-NEWS நிலவின் சுற்றுவட்டப்பாதையை நெருங்குகிறது சந்திரயான் விண்கலம். காலை ஒன்பதரை மணியளவில் நிலவை சுற்றத் தொடங்கும் என இஸ்ரோ தகவல்
  • BREAKING-NEWS முன்னாள் நிதியமைச்சர் ப.சிதம்பரம் 23ஆம் தேதி விசாரணைக்கு ஆஜராக அமலாக்கத்துறை சம்மன். ஐஎன்எக்ஸ் மீடியா வழக்கில் முன் ஜாமீன் கோரிய மனு மீது டெல்லி உயர்நீதிமன்றம் இன்று தீர்ப்பு
  • BREAKING-NEWS ஜம்மு காஷ்மீர் விவகாரம் தொடர்பாக 22ஆம் தேதி டெல்லியில் திமுக சார்பில் ஆர்ப்பாட்டம். அனைத்துக் கட்சி எம்.பி.க்கள் பங்கேற்பார்கள் என மு.க.ஸ்டாலின் அறிவிப்பு
  • BREAKING-NEWS 12 மாவட்டங்களில் மிதமான மழைக்கு வாய்ப்பு என வானிலை ஆய்வு மையம் தகவல்

இதுவரை இல்லாத அளவுக்கு ரூ. 5 ஆயிரத்தை தொட்டது ஏலக்காய் விலை!

cardamom-price-hits-record-high-of-rs-5-000-per-kg

இதுவரை இல்லாத அளவுக்கு ஏலக்காய் விலை கிலோ ரூ 5 ஆயிரத்தை தொட்டிருக்கிறது. 

இந்திய ஏலக்காய் உற்பத்தியில் கேரளா முதலிடம் வகிக்கிறது. இந்நிலையில் கடந்த ஆண்டு தென்மேற்கு பருவமழையின்போது, இடுக்கி மாவட்டத்தில் 11 ஆயிரத்து 340 ஹெக்டேர் பரப்பிலான‌ ஏலக்காய் தோட்டங்களில் 70 சதவிகிதம் அழிந்துவிட்டது. இதையடுத்து புதிதாக நடப்பட்ட ஏலக்காய் செடிகள் காய்ப்பிற்கு வர 3 ஆண்டுகளாவது ஆகும் என்ற நிலையில், வெள்ளத்துக்கு தப்பிய ஏலக்காய் செடிகளில் இருந்து மட்டுமே ஏலக்காய் கிடைத்து வருகிறது.

இதனால் சந்தைக்கு ஏலக்காய் வரத்து குறைந்துள்ளது. கடந்த ஏப்ரல் மாதம் ரூ.3 ஆயிரத்தை தொட்ட ஏலக்காய் விலை, மே மாதம், முதல் வாரத்தில் ரூ. 4 ஆயிரத்தை எட்டியது. தொடர்ந்து ஏறுமுகமாக இருந்த ஏலக்காய், புற்றடியில் நேற்று நடந்த ஏலத்தில் அதிகபட்சமாக கிலோ ஐந்தாயிரம் ரூபாய்க்கு ஏலம் போனது. சராசரியாக கிலோ மூவாயிரத்து 245 ரூபாய்க்கு ஏலம் போனது. ஏலக்காய் விலை இவ்வளவு ரூபாயை தொட்டது, இதுவே முதன் முறை என்கின்றனர் சந்தை நிபுணர்கள்.

Advertisement:
Advertisement:
Advertisement:
[X] Close