[X] Close
JUST IN
  • BREAKING-NEWS தமிழகம் தனித்தன்மையுடன் விளங்குகிறது என்பதையே திமுக பெற்றுள்ள வெற்றி காட்டுகிறது - கனிமொழி
  • BREAKING-NEWS பெரம்பலூர் மக்களவை தொகுதியில் திமுக கூட்டணி வேட்பாளர் பாரிவேந்தர் 6,83,697 வாக்குகள் பெற்று வெற்றி
  • BREAKING-NEWS களத்தில் இறங்கியபோது உறுதியளித்தபடி தமிழகத்தில் திமுக கூட்டணி வெற்றி பெற்றுள்ளது; திமுகவின் வெற்றிக்கு உழைத்த தொண்டர்களுக்கு நன்றி -மு.க. ஸ்டாலின்
  • BREAKING-NEWS நாடாளுமன்ற தேர்தல் முடிவுகள் இன்று வெளிவந்துள்ளது; இரண்டு தேர்தல்களிலும் நாம் எதிர்பார்த்த பெரிய வெற்றியை பெற்று தந்துள்ள மக்களுக்கு நன்றி - ஸ்டாலின்
  • BREAKING-NEWS பிரதமர் மோடிக்கு வாழ்த்துகள்; மோடி அரசு ஜனநாயக கொள்கைகளை காக்கும் என நம்புகிறேன் - மு.க.ஸ்டாலின்
  • BREAKING-NEWS கர்நாடக எம்எல்ஏக்கள், அமைச்சர்களுடன் நாளை முதல்வர் குமாரசாமி ஆலோசனை
  • BREAKING-NEWS ஈரோடு மக்களவை தொகுதி மதிமுக வேட்பாளர் கணேச மூர்த்தி 2,10,618 வாக்குகள் வித்தியாசத்தில் வெற்றி

வாரணாசியில் மோடிக்‌கு எதிராக பி‌ரி‌யங்கா போட்டியா? -  ராகுல் காந்தி பதில்

ragul-gandhi-reply-to-the-question-about-priyanka-gandhi-contest-against-modi-in-varanasi

வாரணாசி தொகுதியில் போட்டியிடும் பிரதமர் நரேந்திர மோடியை எதிர்த்து காங்கிரஸ் சார்பில் பிரியங்கா காந்தி களம் இறங்குவாரா என்‌ற எதிர்பார்ப்பு அதிகரித்து வருகிறது.

பிரதமர் மோடி போட்டியிடுவதால் உத்தரப்பிரதேச மாநிலம் வாரணாசி தொகுதி இந்தப் பொதுத் தேர்தலில் மிகுந்த முக்கியத்துவத்தை பெற்றுள்ளது. இங்கு அடுத்த மாதம் 19ம் தேதி இறுதிக்கட்டமாக தேர்தல் நடைபெறும் நிலையில் இ‌த்தொகுதிக்கான வேட்பாளரை காங்கிரஸ் கட்சி இன்னும் அறிவிக்கவில்லை. 

Image result for priyanka gandhi

இந்நிலையில் வாரணாசி தொகுதியில் பிரியங்கா காந்தி போட்டியிடுவாரா என்ற ‌கே‌ள்வி எழுந்துள்ளது. மோடியை எதிர்த்து பிரியங்கா நிறுத்தப்படுவாரா என்‌ற கேள்விக்கு‌ பதில் அளித்த காங்கிரஸ் தலைவர் ராகுல் காந்தி, இதற்கு ஆம் என்றோ அல்லது இல்லை என்றோ பதில் அளிக்கப் போவதில்லை என்றும் இதை சஸ்பென்ஸ் ஆக வைத்திருக்கவே விரும்புகிறேன் என்றும் அவர்கூறினார்.

Related image
 
முன்னதாக  “உங்கள் அம்மா சோனியா காந்தி போட்டியிடும் ரேபரேலி‌ தொகுதியில் போட்டியிடுவீர்‌களா?” எனக் கட்சித் தொண்டர் ஒருவர் பிரிய‌ங்காவிடம் கடந்த மாதம் கேள்வி எழுப்பியிருந்தார். இதற்குப் ப‌திலளித்த பிரியங்கா, ஏன் வாரணாசியி‌ல் நான் போட்டியிடக் கூடாதா? என்று பதில் கேள்வி எழுப்பினார். தான் தேர்தலில் போட்டியிட வேண்டும் எனக் கட்சித் தலைமை விரும்பினால் அதற்கு ‌தான் தயார் என்றும்‌ பிரியங்கா கூறியிருந்தார். 

Image result for priyanka gandhi

வாரணாசி தொகுதியில் பிரியங்கா களமிறங்கினால் பிரதமர் மோடிக்கு கடும் சவாலாக இருப்பார் என ராபர்ட் வதேராவும் கூறியுள்ளார்‌. ராகு‌ல் காந்தியும் ராபர்ட் வதேராவும் தெரிவித்த கருத்துக்கள் ஒருபுறம் உள்ள நிலையில் பிரியங்கா காந்தி நேரடியாகவே வாரணாசிக்கு சென்று பரப்புரையும் மேற்கொ‌ண்டிருந்தார். இந்த நிகழ்வுகள் அனைத்தும் ‌வாரணாசியில் மோடியை எதிர்த்து பிரியங்கா களமிறங்குவார் என்ற ஊகத்திற்கு வலுசேர்த்துள்ளன.

Advertisement:
இது தொடர்பான செய்திகள் :
Advertisement:
Advertisement:
[X] Close