[X] Close
JUST IN
  • BREAKING-NEWS நாடாளுமன்ற குளிர்கால கூட்டத்தொடர் நவம்பர் 18ஆம் தேதி தொடங்கவுள்ளதாக தகவல்
  • BREAKING-NEWS என்னைக் கைது செய்தால் கவலைப்படமாட்டேன்; ஆனால் ராஜிவ்காந்தியை ஆதரித்தவர்களை நான் கைது செய்வேன் - சீமான்
  • BREAKING-NEWS கல்கி ஆசிரமத்துக்கு சொந்தமான இடங்களில் நடைபெற்ற சோதனையில் ரூ.20 கோடி பறிமுதல் - வருமானவரித்துறை
  • BREAKING-NEWS திருச்சி லலிதா ஜுவல்லரி நகைக்கொள்ளை வழக்கு: கொள்ளையன் முருகனை 8 நாட்கள் காவலில் வைத்து விசாரிக்க பெங்களூரு குற்றவியல் நீதிமன்றம் அனுமதி
  • BREAKING-NEWS கோவை பாரதியார் பல்கலைக்கழக துணை வேந்தராக பி.காளிராஜை நியமித்தார் ஆளுநர் பன்வாரிலால் புரோஹித்
  • BREAKING-NEWS இனி வியாழக்கிழமை தோறும் டெங்கு ஒழிப்பு தினம் - சுகாதாரத்துறை
  • BREAKING-NEWS உச்சநீதிமன்றத்தில் நடைபெற்று வரும் அயோத்தி வழக்கின் விசாரணை இன்றுடன் நிறைவு

“ஸ்டாலினுக்கு நோபல் பரிசே வழங்கலாம்” - எடப்பாடி பழனிசாமி

can-give-nobel-prize-to-mk-stalin-cm-palanisamy

பொய் பேசுவதற்காக மு.க.ஸ்டாலினுக்கு நோபல் பரிசு வழங்கலாம் எனத் தேர்தல் பரப்புரையில் முதலமைச்சர் எடப்பாடி பழனிசாமி தெரிவித்தார்.

அதிமுக- பாஜக கூட்டணியில் தூத்துக்குடி மக்களவைத் தொகுதி வேட்பாளராக பாஜக மாநில தலைவர் தமிழிசை சவுந்தரராஜன் போட்டியிடுகிறார். அவரை ஆதரித்து கோவில்பட்டி பயணியர் விடுதி அருகே முதல்வர் எடப்பாடி பழனிசாமி திறந்த வேனில் பரப்புரை செய்தார். அப்போது பேசிய முதலமைச்சர் பழனிசாமி, “மக்களவைத் தேர்தலில் மத்தியில் நிலையான ஆட்சி மலர வேண்டும். திறமையான பாரத பிரதமரை நாம் தேர்ந்தெடுக்க வேண்டும். அப்படி திறமையான, தகுதியான பிரதமராக உள்ள நரேந்திர மோடி, மீண்டும் வெற்றி பெற்று பிரதமராக வர வேண்டும். அப்போது நாடு பாதுகாப்பாக இருக்கும்.

பெண்களுக்குப் பாதுகாப்பு இல்லை என ஸ்டாலின் குற்றஞ்சாட்டியுள்ளார். அதிமுக ஆட்சியில் சட்டம் ஒழுங்கு பேணிக் காக்கப்படுகிறது. இந்தியாவிலேயே சட்ட ஒழுங்கை பேணிக்காப்பதில் தமிழகம் முதன்மை மாநிலம் என்று தனியார் நிறுவனம் விருது கொடுத்துள்ளது. அதேபோல், இந்தியாவில் 15 ஆயிரத்துக்கும் மேற்பட்ட காவல் நிலையங்கள் உள்ளன. இதில் சிறந்த காவல் நிலையம் குறித்த ஆய்வில், தமிழகம் கோவை ஆர்.எஸ்.புரம் காவல்நிலையம் இந்தியாவிலேயே முதலிடத்தில் உள்ளது. அண்ணாநகர் காவல் நிலையம் 5வது இடத்தை பிடித்துள்ளது.

ஆனால், ஸ்டாலின் இந்த ஆட்சியில் ஒன்றுமே நடக்கவில்லை எனப் பொய் பேசி வருகிறார். பொய் பேசுவதற்கு நோபல் பரிசு கொடுக்க வேண்டுமென்றால் முதல் ஆள் ஸ்டாலினுக்குதான் கொடுக்க வேண்டும்” என்றார் 

Advertisement:
இது தொடர்பான செய்திகள் :
Advertisement:
Advertisement:
[X] Close