[X] Close
JUST IN
  • BREAKING-NEWS இலங்கை குண்டு வெடிப்பில் பலியானவர்களின் எண்ணிக்கை 140 ஆக உயர்வு
  • BREAKING-NEWS மதுரையில் வாக்குப்பதிவு இயந்திரம் உள்ள அறைக்குள் நுழைந்த பெண் வட்டாட்சியர் சம்பூர்ணம் சஸ்பெண்ட்
  • BREAKING-NEWS பொறியியல் படிப்பிற்கான கலந்தாய்வு அட்டவணை வெளியீடு; பொதுப்பிரிவினருக்கான கலந்தாய்வு ஜூலை 3ம் தேதி தொடங்குகிறது
  • BREAKING-NEWS பாப்பிரெட்டிப்பட்டி சட்டமன்றத் தொகுதிக்குட்பட்ட 8 வாக்குச்சாவடிகளில் மறுவாக்குப்பதிவு நடத்த தேர்தல் ஆணையத்துக்கு தலைமைத் தேர்தல் அதிகாரி சத்யபிரதா சாஹூ பரிந்துரை
  • BREAKING-NEWS திருச்சி அருகே கோயில் திருவிழா கூட்ட நெரிசலில் சிக்கி 7 பேர் பலி

காங்கிரஸின் 8-வது வேட்பாளர் பட்டியல் வெளியீடு: மல்லிகார்ஜூன கார்கே மீண்டும் போட்டி!

lok-sabha-elections-congress-releases-8th-list

காங்கிரஸ் கட்சி 38 பேர் கொண்ட 8 வது வேட்பாளர் பட்டியலை நேற்றிரவு வெளியிட்டது. மல்லிகார்ஜூன கார்கே கர்நாடகாவில் மீண்டும் போட்டியிடுகிறார்.

17 வது மக்களவைத் தேர்தல் ஏப்ரல் 11ஆம் தேதி தொடங்கி மே 19ஆம் தேதி வரை ஏழு கட்டங்களாக நடைபெறுகிறது. வாக்கு எண்ணிக்கை மே 23 ஆம் தேதி நடைபெறுகிறது. இதற்காக அரசியல் கட்சிகள் தீவிர பிரசாரத்தில் ஈடுபட்டு வருகின்றன. இதில் தேசிய கட்சிகளான பாஜக, காங்கி ரஸ் கட்சிகள் சில தொகுதிகளுக்கான வேட்பாளர் பட்டியலை இன்னும் வெளியிடவில்லை. 

(மல்லிகார்ஜூன கார்கே)

இந்நிலையில் காங்கிரஸ் கட்சி 38 பேர் கொண்ட 8வது வேட்பாளர் பட்டியலை நேற்றிரவு வெளியிட்டது. இதில் கர்நாடகாவின் குல்பர்காவில் போட்டியிட, அக்கட்சியின் மக்களவை தலைவர் மல்லிகார்ஜூன கார்கேவுக்கு மீண்டும் வாய்ப்பு வழங்கப்பட்டுள்ளது. இதே போல் மகாராஷ்டி ராவின் முன்னாள் முதல்வர் அசோக் சவான், மத்தியப் பிரதேச முன்னாள் முதல்வர் திக்விஜய் சிங், உத்தராகண்ட் முன்னாள் முதல்வர் ஹரிஷ் ராவத் ஆகியோரது பெயர்களும் இடம் பெற்றுள்ளன. 

(திக் விஜய் சிங்)

உத்தராகண்ட் மாநிலத்தில் மணிஷ் கந்தூரிக்கும் போட்டியிட வாய்ப்பு அளிக்கப்பட்டுள்ளது. இவர் அண்மையில் பாஜகவில் இருந்து விலகி ராகுல் முன்னிலையில் காங்கிரஸில் இணைந்தார். இதே போல் முன்னாள் மத்திய அமைச்சர்கள் வீரப்ப மொய்லி, கே.எம்.முனியப்பா ஆகியோருக்கும் மீண்டும் வாய்ப்பு வழங்கப்பட்டுள்ளது. 

காங்கிரஸ் வெளியிட்ட இந்த எட்டாவது பட்டியலில், கர்நாடகா, மத்தியப் பிரதேசம், உத்தராகண்ட், உத்தரப் பிரதேசம், மணிப்பூர் மற்றும் மகாராஷ்டிரா மாநிலங்களுக்கான வேட்பாளர்கள் அறிவிக்கப்பட்டுள்ளனர். 543 உறுப்பினர்கள் கொண்ட மக்களவை தேர்தலுக்கு, இதுவரை 218 வேட்பாளர்கள் கொண்ட பட்டியலை காங்கிரஸ் வெளியிட்டிருப்பது குறிப்பிடத்தக்கது.

Advertisement:
இது தொடர்பான செய்திகள் :
Advertisement:
Advertisement:
[X] Close