[X] Close
JUST IN
  • BREAKING-NEWS காரைக்குடியில் அனுமதியின்றி தேர்தல் அலுவலகம் திறந்த புகாரில், சிவகங்கை மக்களவை தொகுதியில் போட்டியிடும் அமமுக வேட்பாளர் தேர்போகி பாண்டி மீது காரைக்குடி போலீசார் வழக்குப்பதிவு
  • BREAKING-NEWS ஓபிஎஸ் மகன் அதிமுகவிற்காக பல ஆண்டுகளாக உழைத்து வருகிறார்; அதனால் அவரை வேட்பாளராக அறிவித்ததில் எந்த தவறும் இல்லை - அமைச்சர் கே.சி.வீரமணி
  • BREAKING-NEWS நெதர்லாந்து நாட்டின் உட்ரெச் நகரில் மர்ம நபர் ஒருவர் நடத்திய துப்பாக்கிச்சூட்டில் ஏராளமானோர் படுகாயமடைந்துள்ளனர்
  • BREAKING-NEWS நேர்காணலுக்கு கூட வராமல், தான் தேர்தலில் போட்டியிடுவதாக சி.கே.குமரவேல் அறிவித்தது கட்சி கட்டுப்பாடுகளுக்கு முரணான செயல் - ஜனநாயக முறைப்படி நடைபெற்ற வேட்பாளர் தேர்வுமுறைக்கு எதிராக செயல்பட்டதால் மக்கள் நீதி மய்யம் கட்சித் தலைமை அவரின் ராஜினாமாவை ஏற்றுக்கொள்கிறது
  • BREAKING-NEWS கோடநாடு கொலை, கொள்ளை வழக்கில் சயான், மனோஜ் உட்பட 10பேரை மார்ச் 27ல் மீண்டும் ஆஜர்படுத்த காவல்துறைக்கு உதகை நீதிமன்றம் உத்தரவு
  • BREAKING-NEWS சென்னையில் பெட்ரோல் லிட்டருக்கு ரூ. 75.52 காசுகளாகவும், டீசல் லிட்டருக்கு ரூ. 70.87 காசுகளாகவும் விலை நிர்ணயம்

தேர்தல் கண்காணிப்பு... தமிழகத்தில் 2 நாளில் 3 கோடி ரூபாய் பறிமுதல்..!

rs-3-crore-seized-in-two-days

மக்களவைத் தேர்தல் அறிவிக்கப்பட்ட அடுத்த இரண்டு நாட்களில் தமிழகத்தில் 3 கோடி ரூபாய் அளவிற்கு ரொக்கப் பணத்தை தேர்தல் அதிகாரிகள் பறிமுதல் செய்துள்ளனர்.

கடந்த 10-ஆம் தேதி மக்களவைத் தேர்தல் மற்றும் தமிழகத்தில் இடைத்தேர்தலுக்கான தேதி அறிவிக்கப்பட்டது. அத்துடன் தேர்தல் நடத்தை விதிமுறைகள் அமலுக்கு வந்ததால் தமிழகம் முழுவதும் தேர்தல் செலவினங்களைக் கண்காணிக்க 702 பறக்கும் படைகள் மற்றும் 702 நிலைக்குழுக்கள் அமைக்கப்பட்டுள்ளன. இக்குழுவினர் கடந்த 11 மற்றும் 12-ஆம் தேதிகளில், பல்வேறு பகுதியில் ரொக்கப் பணம் மற்றும் பொருட்களை பறிமுதல் செய்துள்ளனர்.

அதன்படி கடந்த 11-ஆம் தேதி பறக்கும் படையினர் மூலம், 19 லட்சத்து 64 ஆயிரத்து 800 ரூபாய் ரொக்கமும், கண்காணிப்பு நிலைக்குழு மூலம் 95 லட்சத்து 50 ஆயிரம் ரூபாய் ரொக்கமும் பறிமுதல் செய்யப்பட்டன. இதேபோல் அதற்கு அடுத்த நாள் அதாவது 12-ஆம் தேதி பறக்கும் படையினர் மூலம் ஒரு கோடியே 10 ஆயிரத்து 400 ரூபாய் ரொக்கமும், கண்காணிப்பு நிலைக்குழு மூலம் 92 லட்சத்து 49 ஆயிரத்து 500 ரூபாய் ரொக்கமும் பறிமுதல் செய்யப்பட்டன. அதன்படி இரண்டு நாட்களிலும் மொத்தம் 3 கோடியே 7 லட்சத்து 74 ஆயிரத்து 700 ரூபாய் பறிமுதல் செய்யப்பட்டுள்ளதாக தெரிவிக்கப்பட்டுள்ளது. மேலும் 12-ஆம் தேதியன்று மட்டும் 9 லட்சத்து 29 ஆயிரம் ரூபாய் மதிப்பிலான வீட்டு உபயோக பொருட்கள், புகையிலை பொருட்கள் போன்றவை பறிமுதல் செய்யப்பட்டுள்ளதாகவும் கூறப்பட்டுள்ளது.

Advertisement:
Advertisement:
Advertisement:
[X] Close