[X] Close
JUST IN
  • BREAKING-NEWS 4 தொகுதி இடைத்தேர்தலில் அமமுக வேட்பாளர்களுக்கு பரிசுப் பெட்டகம் சின்னம் ஒதுக்கியது தேர்தல் ஆணையம்
  • BREAKING-NEWS ஆபாச வீடியோக்கள், சமூக சீர்கேடு வீடியோக்களை பதிவிறக்கம் செய்யக்கூடாது என்ற நிபந்தனையோடு டிக் டாக் செயலி மீதான தடை நீக்கம் - உயர்நீதிமன்ற மதுரைக்கிளை
  • BREAKING-NEWS மு.க.அழகிரி மகன் தயாநிதிக்கு சொந்தமான ரூ.40 கோடி மதிப்புள்ள சொத்துகள் அமலாக்கத்துறையால் முடக்கம்; மதுரை கீழவளவில் கிரானைட் சுரங்க முறைகேட்டில் ஈடுபட்டதாக தயாநிதி உள்ளிட்டோர் மீது குற்றச்சாட்டு
  • BREAKING-NEWS ஓபிஎஸ் - ஈபிஎஸ்க்கு இரட்டை இலை சின்னம் வழங்கியதற்கு எதிராக உச்சநீதிமன்றத்தில் சசிகலா தரப்பில் சீராய்வு மனு
  • BREAKING-NEWS சென்னையில் பெட்ரோல் லிட்டருக்கு ரூ. 75.71 காசுகளாகவும், டீசல் லிட்டருக்கு ரூ. 70.17 காசுகளாகவும் விலை நிர்ணயம்

தனியார் பள்ளிகளில் மாணவர்களின் பாதுகாப்பு..? மத்திய அரசுக்கு உச்சநீதிமன்றம் நோட்டீஸ்

7-year-old-s-murder-at-gurugram-school-sc-to-examine-safety-measures-in-all-private-schools

தனியார் பள்ளிகளில் மாணவர்களுக்கான பாதுகாப்புக் குறித்து ஆய்வு நடத்துமாறு மத்திய அரசுக்கு உச்சநீதிமன்றம் உத்தரவிட்டுள்ளது.

ஹரியானா மாநிலம் குருகிராமில் உள்ள ரியான் சர்வதேசப் பள்ளியில் 2ம் வகுப்பு படித்த பிரதியுமான் என்ற 7 வயது சிறுவன் பள்ளி கழிப்பறையில் மர்மமான முறையில் கழுத்தறுக்கப்பட்ட நிலையில் இறந்து கிடந்தார். சிறுவனை பாலியல் தொந்தரவு செய்து கொன்றதாக டிரைவர் அசோக் என்பவரை போலீசார் கைது செய்துள்ளனர். மாணவன் கொலை செய்யப்பட்டது பெற்றோர்கள், உறவினர்களிடையே கொந்தளிப்பை ஏற்படுத்தியுள்ளது.

சிறுவன் கொலை செய்யப்பட்ட சம்பவத்தை தொடர்ந்து, பெற்றோர், உறவினர்கள், மற்றும் இதர மாணவர்களின் பெற்றோரும் பள்ளி வளாகத்திற்கு வெளியே போராட்டத்தில் ஈடுபட்டனர்.

இதனையடுத்து இந்தக் கொலை தொடர்பாக சிபிஐ அல்லது சிறப்பு புலனாய்வுக் குழு விசாரணை நடத்தப்பட வேண்டும் என்ற கோரிக்கையை வலியுறுத்தி உச்சநீதிமன்றத்தில் மனு தாக்கல் செய்யப்பட்டது. 

தனியார் பள்ளிகளில் மாணவர்களின் பாதுகாப்பினை உறுதி செய்வதற்கான நடைமுறைகள் முறையாகப் பின்பற்றப்படுவதில்லை என்று சில வழக்கறிஞர்கள் வாதிட்டனர். மேலும், நீதிபதிகள் தாமாக முன் வந்து தனியார் பள்ளிகளில் மாணவர்களின் பாதுகாப்பு குறித்து ஆய்வு செய்ய உத்தரவிட வேண்டும் என்று வலியுறுத்தினர்.

இந்த மனுவை விசாரித்த நீதிபதிகள் இந்த விவகாரம் தொடர்பாக மத்திய அரசு மற்றும் அரியானா அரசுக்கு நோட்டீஸ் அனுப்பியுள்ளனர்.

Advertisement:
இது தொடர்பான செய்திகள் :
Advertisement:
Advertisement:
[X] Close