[X] Close
JUST IN
  • BREAKING-NEWS நாடாளுமன்ற குளிர்கால கூட்டத்தொடர் நவம்பர் 18ஆம் தேதி தொடங்கவுள்ளதாக தகவல்
  • BREAKING-NEWS என்னைக் கைது செய்தால் கவலைப்படமாட்டேன்; ஆனால் ராஜிவ்காந்தியை ஆதரித்தவர்களை நான் கைது செய்வேன் - சீமான்
  • BREAKING-NEWS கல்கி ஆசிரமத்துக்கு சொந்தமான இடங்களில் நடைபெற்ற சோதனையில் ரூ.20 கோடி பறிமுதல் - வருமானவரித்துறை
  • BREAKING-NEWS திருச்சி லலிதா ஜுவல்லரி நகைக்கொள்ளை வழக்கு: கொள்ளையன் முருகனை 8 நாட்கள் காவலில் வைத்து விசாரிக்க பெங்களூரு குற்றவியல் நீதிமன்றம் அனுமதி
  • BREAKING-NEWS கோவை பாரதியார் பல்கலைக்கழக துணை வேந்தராக பி.காளிராஜை நியமித்தார் ஆளுநர் பன்வாரிலால் புரோஹித்
  • BREAKING-NEWS இனி வியாழக்கிழமை தோறும் டெங்கு ஒழிப்பு தினம் - சுகாதாரத்துறை
  • BREAKING-NEWS உச்சநீதிமன்றத்தில் நடைபெற்று வரும் அயோத்தி வழக்கின் விசாரணை இன்றுடன் நிறைவு

சொந்த மகளை பாலியல் வன்கொடுமை செய்த தந்தை போக்சோ சட்டத்தில் கைது

father-raped-his-daughter-in-pommudi

தருமபுரி அருகே, பிளஸ் 1 படிக்கும் மகளை பாலியல் வன்கொடுமை செய்த தந்தையை போக்சோ சட்டத்தில் காவல் துறையினர் கைது செய்தனர்.

தருமபுரி மாவட்டம், பொம்மிடி பகுதியை சேர்ந்தவர் பழனி. கூலித்தொழிலாளி. இவர் திருமணத்திற்கு பிறகு கேரளாவில் ஒரு குற்ற வழக்கில் கைது செய்யப்பட்டு சிறையில் இருந்துள்ளார். அப்பொழுது இவரது மனைவி தனக்கு பிறந்த பெண்குழந்தையை தனது தாயின் வீட்டில் பராமரிப்பில் விட்டுவிட்டு வேறு திருமணம் செய்து கொண்டுள்ளார்.

இந்நிலையில் சிறையில் இருந்து வெளியே வந்த பழனி வேறோரு பெண்ணை திருமணம் செய்து கொண்டுள்ளார். ஆனால் தொடர்ந்து அடிக்கடி தனது முதல் மனைவிக்கு பிறந்த மகளை சந்தித்து செலவுக்கு பணம் கொடுத்து வந்ததாக கூறப்படுகிறது. அந்த சிறுமி பாட்டியின் பராமரிப்பில் இருந்து கொண்டு, அதே பகுதியில் உள்ள அரசு மேல்நிலைப்பள்ளியில் பிளஸ் 1 படித்து வந்துள்ளார். 

இந்நிலையில், சிறுமியை தனது மொபைல்போனில் ஆபாச படம் பார்க்கும்படி பழனி வற்புறுத்தியதாகவும் அதற்கு மறுப்பு தெரிவித்து விட்டு, அங்கிருந்து சிறுமி தப்பியதாகவும் கூறப்படுகிறது.

இந்நிலையில் கடந்த 22 ஆம் தேதி இரவு 9 மணிக்கு, சிறுமியை பைக்கில் அழைத்துக் கொண்டு வீட்டிற்கு வரும் வழியில் ஆள் நடமாட்டம் இல்லாத பகுதியில் மகளை பாலியல் வன்கொடுமை செய்துள்ளார் பழனி. மேலும், இது குறித்து, வெளியில் யாரிடமாவது சொன்னால் கொலை செய்து விடுவதாகவும் மிரட்டியுள்ளார்.

இதையடுத்து வீட்டிற்கு சென்ற சிறுமி, தனக்கு நேர்ந்த கொடுமையை தாயிடம் தெரிவித்துள்ளார். தொடர்ந்து சிறுமியின் தாய் பொம்மிடி காவல் நிலையத்தில் புகார் அளித்துள்ளார். இதையடுத்து பொம்மிடி காவல் துறையினர் பழனியை பிடித்து வந்து அரூர் அனைத்து மகளிர் காவல் ஆய்வாளர் இலட்சுமி விசாரணை நடத்தி போக்சோ சட்டத்தில் கைது செய்தனர்.

Advertisement:
இது தொடர்பான செய்திகள் :
Advertisement:
Advertisement:
[X] Close