[X] Close
JUST IN
  • BREAKING-NEWS கோதாவரி - காவிரி நதிநீர் இணைப்பை முதன்மையாக நிறைவேற்ற பிரதமர் மற்றும் நீர்வள அமைச்சரிடம் கோரிக்கை வைத்துள்ளேன் - முதல்வர் பழனிசாமி
  • BREAKING-NEWS தமிழகத்தின் ஒப்புதலின்றி மேகதாதுதுவில் அணை கட்ட அனுமதி வழங்க கூடாது என கோரிக்கை விடுத்துள்ளோம் - முதல்வர் பழனிசாமி
  • BREAKING-NEWS குடிநீர் பற்றாக்குறையை போக்க செயல்படுத்தப்படும் திட்டங்களுக்கான நிதியை உடனடியாக ஒதுக்க கோரிக்கை வைக்கப்பட்டுள்ளது - முதல்வர் பழனிசாமி
  • BREAKING-NEWS சிறப்பு விலக்கு மூலம் தமிழகத்தில் உள்ள மருத்துவ கல்லூரிகளுக்கு நீட் தேர்வில் இருந்து விலக்களிக்க வேண்டும் - பிரதமர் மோடியிடம் முதல்வர் பழனிசாமி மனு
  • BREAKING-NEWS மருத்துவர்கள், மருத்துவ துறையை சேர்ந்தவர்களை பாதுகாக்க சட்டப்பேரவையில் தனியாக சட்டம் இயற்றுக - மத்திய சுகாதாரத்துறை அமைச்சர் ஹர்ஷவர்தன் அனைத்து மாநில முதல்வர்களுக்கும் கடிதம்
  • BREAKING-NEWS அனைத்து இடங்களிலும் மழைநீர் சேகரிப்புத் திட்டம் மீண்டும் நடைமுறைப்படுத்தப்படும்; சவாலாக உள்ள குடிநீர் தட்டுப்பாட்டை போக்க அரசு உரிய நடவடிக்கை எடுத்து வருகிறது - அமைச்சர் உதயகுமார்
  • BREAKING-NEWS பிரதமர் நரேந்திர மோடி, மத்திய நிதியமைச்சர் நிர்மலா சீதாராமனுடன் டெல்லியில் புதுச்சேரி முதல்வர் நாராயணசாமி சந்திப்பு

ஃபேஸ்புக்கில் ஆசை வார்த்தை ! சிறுமிக்கு காத்திருந்த அதிர்ச்சி 

girl-has-affected-by-facebook-love-in-chennai

சென்னை அரும்பாக்கத்தில் ஃபேஸ்புக் மூலம் 10ஆம் வகுப்பு மாணவியிடம் 15 சவரன் நகைகளை ஏமாற்றியது அதிர்ச்சியை ஏற்படுத்தியுள்ளது.

சென்னை சூளைமேடு பகுதியைச் சேர்ந்த ராஜா என்பவரது மகள் 10ஆம் வகுப்பு பயின்று வருகிறார். அவருக்கு ஃபேஸ்புக் மூலம் சூளைமேடு பத்மநாப நகரைச் சேர்ந்த ராகுல்குமார் என்ற கல்லூரி மாணவர் அறிமுகமாகியுள்ளார். ஆசை வார்த்தை பேசி சிறுமியை தன் காதல் வலையில் சிக்க வைத்துள்ளார் கல்லூரி மாணவர். கல்லூரி படிக்கும் போதே சுயதொழில் தொடங்கவுள்ளதாக சிறுமியிடம் கூறிய ராகுல், அதற்காக அவரிடமிருந்து 15 சவரன் நகையையும் வாங்கியுள்ளார். அதன்பிறகு, தன்னை தவிர்த்து வந்த ராகுல் குமாரின் நடவடிக்கையில் சந்தேகம் ஏற்பட்டதால் சிறுமி தனது பெற்றோரிடம் கூறியுள்ளார்.

கல்லூரி மாணவர் ராகுல்குமாரையை பிடித்து அவரது பெற்றோர் விசாரித்துள்ளனர். அவரின் செல்போனை ஆராய்ந்ததில் பல பெண்களிடம் இதே போல் ராகுல்குமார் பழகி பணம், நகைகளை ஏமாற்றியது தெரியவந்தது. அதனால், அதிர்ச்சியடைந்த சிறுமியின் பெற்றோர் காவல்நிலையத்தில் புகார் அளித்தனர்.சிலநாட்கள் தாமதத்துக்கு பிறகு கல்லூரி மாணவரை விசாரித்த அண்ணாநகர் காவல்துறையினர், இருதரப்பையும் அழைத்து சமாதானப் பேச்சுவார்த்தை நடத்தியுள்ளனர். சிறுமியிடமிருந்து ஏமாற்றிப் பறித்த நகைகளை ஒப்படைப்பதாக‌ கல்லூரி மாணவர் தரப்பில் உறுதியளிக்கப்பட்டது. அதனையடுத்து மாணவர் வீட்டிற்கு அனுப்பி வைக்கப்பட்டார்.


சமூக வலைத்தளங்கள் மூலம் நடைபெறும் மோசடிகள் குறித்து காவல்துறையும், ஊடகங்களும் விழிப்புணர்வு ஏற்படுத்தினாலும் ஏமாறுபவர்களின் எண்ணிக்கை குறைந்தபாடில்லை. இளம்பெண்கள் மட்டுமின்றி பள்ளிச் சிறுமிகள் கூட ஏமாற்றப்படுவது தொடர்கதையாக இருக்கிறது. சமூக வலைத்தளங்களில் விரிக்கப்படும் சதி வலைகள் பற்றி விழிப்புணர்வு ஏற்படுத்துவது மட்டுமின்றி ஏமாற்றுபவர்கள் மீது கடும் நடவடிக்கை எடுத்தால் மட்டுமே இதுபோன்ற சம்பவங்களுக்கு‌ முற்றுப்புள்ளி வைக்க முடியும் என்கிறார்கள் பாதிக்கப்பட்டவர்கள்.

Advertisement:
இது தொடர்பான செய்திகள் :
Related Tags : Facebook LoveChennaiCrime
Advertisement:
Advertisement:
[X] Close