[X] Close
JUST IN
  • BREAKING-NEWS வவ்வால்களால் நிஃபா வைரஸ் வரவில்லை- ஆய்வு முடிவில் விளக்கம்
  • BREAKING-NEWS முதலமைச்சர் உத்தரவின்படி ஆலைக்கான மின்சாரம், குடிநீர் இணைப்புகள் துண்டிப்பு: தூத்துக்குடி ஆட்சியர் சந்தீப் நந்தூரி
  • BREAKING-NEWS சிபிஎஸ்இ 12ஆம் வகுப்பு தேர்வு முடிவுகள் வெளியீடு
  • BREAKING-NEWS ஸ்டெர்லைட் ஆலையை நிர்வகிக்கும் வேதாந்தா குழும நிறுவனங்களை லண்டன் பங்குச்சந்தையிலிருந்து விலக்கிவைக்க வேண்டும் - பிரிட்டன் எதிர்க்கட்சி
  • BREAKING-NEWS தமிழகத்தை தனது கட்டுப்பாட்டில் கொண்டு வர பிரதமர் மோடி சதித்திட்டம் தீட்டுகிறார் - திருமாவளவன்
  • BREAKING-NEWS உத்வேகம், அர்ப்பணிப்புடன் மத்திய பாஜக அரசு 5ஆவது ஆண்டில் தொடர்ந்து செயல்படும் - பிரதமர் மோடி
  • BREAKING-NEWS தூத்துக்குடி துப்பாக்கிச்சூடு சம்பவத்தை கண்டித்து மே 28ஆம் தேதி தேமுதிக சார்பில் அனைத்து மாவட்ட ஆட்சியர் அலுவலகம் முன் கண்டன ஆர்ப்பாட்டம் - விஜயகாந்த்

மதவாதிகளால் கொல்லப்பட்டாரா கவுரி லங்கேஷ்?

gouri-lankesh-murder-case

மதவாதிகளே கவுரி லங்கேஷை கொலை செய்திருப்பதாக பத்திரிகையாளர்கள், சமூக செயற்பாட்டாளர்கள் உள்பட பல்வேறு தரப்பினர் குற்றம்சாட்டியுள்ளனர்.

55 வயதான கவுரி லங்கேஷ், கர்நாடகாவில் பத்திரிகைத்துறைக்கு புதிய பரிணாமத்தைக் கொடுத்த லங்கேஷின் மகளாவார். தந்தையைப் போலவே சமூகத்திற்காக எழுத்துக்கள் மூலம் தைரியமாக குரல் கொடுத்தார். சகோதரர் இந்திரஜித்துடனான கருத்து வேறுபாடு காரணமாக தந்தை நிறுவிய லங்கேஷ் பத்ரிகே என்ற பத்திரிகையின் எடிட்டர் பதவியில் இருந்து விலகி கடந்த 2005ம் ஆண்டு கவுரி லங்கேஷ் பத்ரிகே என்ற பத்திரிகையை தொடங்கினார். பெண் பத்திரிகையாளர்களில் முக்கியமான ஒருவராக திகழ்ந்தார். 

முற்றிலும் இடதுசாரி சிந்தனையாளரான இவர், இந்து மதத்தை முன்னிறுத்தி மேற்கொள்ளப்படும் அரசியலை வெளிப்படையாக எதிர்க்கும் நபராகவே திகழ்ந்தார். ஏழைகள் மற்றும் தலித்துகளுக்கு ஆதரவாக குரல் எழுப்பி வந்த இவர், நக்சல்கள் மறுவாழ்விற்காகவும் பணியாற்றினார். நக்சலைட்டுகள் ஆயுதத்தை கைவிட்டு வெகுஜன மக்களுடன் இணைந்து வாழ வேண்டும் என்பதில் கவுரி தீவிரமாக செயல்பட்டார். அதன் பலனாக ஏராளமான நக்சலைட்டுகள் அரசிடம் சரணடைந்திருக்கின்றனர்.

வலதுசாரிகளுக்கு எதிராக கடும் விமர்சனங்களை முன்வைக்கும் கவுரி லங்கேஷ், கடந்தாண்டு பா.ஜ.கவினர் குறித்து அவதூறாக செய்தி வெளியிட்டதற்காக நீதிமன்றத்தால் குற்றவாளியாகவும் அறிவிக்கப்பட்டார். இருப்பினும் மதவாத அரசியலுக்கு எதிரான அவரது எழுத்துக்கள் ஓய்ந்ததேயில்லை. இப்படி போற்றுதலுக்குரிய சமூக செயற்பாட்டாளராக செயல்பட்ட பத்திரிகையாளர் கவுரி லங்கேஷ், அநியாயமாக சுட்டுப் படுகொலை செய்யப்பட்டுள்ளார். இதற்கு மதவாதிகளே காரணம் என்று பத்திரிகையாளர்கள், சமூக செயற்பாட்டாளர்கள் உள்பட பல்வேறு தரப்பினர் குற்றம்சாட்டியுள்ளனர். மேலும் கவுரி லங்கேஷ் கொலை வழக்கை சி.பி.ஐயிடம் ஒப்படைத்து குற்றவாளிகளை உடனடியாக பிடிக்க வேண்டும் என அவரது குடும்பத்தினர் கோரிக்கை விடுத்துள்ளனர். 
 

Advertisement:
Advertisement:
Advertisement:
[X] Close