[X] Close
JUST IN
  • BREAKING-NEWS ‘பிகில்’ சிறப்புக் காட்சிக்கு அனுமதி கேட்டு தமிழக அரசுக்கு கடிதம்
  • BREAKING-NEWS தமிழகத்தில் 6 புதிய மருத்துவக் கல்லூரிகள் தொடங்க மத்திய அரசு ஒப்புதல்
  • BREAKING-NEWS சென்னையில் பத்தாயிரம் ரூபாய் லஞ்சம் வாங்கியதாக காவல் ஆய்வாளர் கைது
  • BREAKING-NEWS தீபாவளிக்காக சென்னையில் 24 மணி நேரமும் மாநகரப் பேருந்துகள் இயங்கும் : போக்குவரத்து துறை
  • BREAKING-NEWS தீபாவளி அன்று தமிழகத்தில் பட்டாசு வெடிக்க காலை ஒரு மணி நேரம், மாலை ஒரு மணி நேரம் அரசு அனுமதி
  • BREAKING-NEWS பிசிசிஐ தலைவராக பொறுப்பேற்றுக் கொண்டார் சவுரவ் கங்குலி
  • BREAKING-NEWS ஐஎன்எக்ஸ் மீடியா விவகாரம்: அமலாக்கத்துறை தொடர்ந்த வழக்கில் ஜாமீன் கேட்டு ப.சிதம்பரம் மனு

இயக்குனர் அனுராக் காஷ்யப் புகார்: பாஜக தொண்டர் மீது வழக்குப் பதிவு

fir-registered-against-troll-who-threatened-to-rape-anurag-kashyap-s-daughter

இயக்குனர் அனுராக் காஷ்யப் மகளை பாலியல் வன்கொடுமை செய்துவிடுவதாக மிரட்டிய, பாஜக தொண்டர் மீது போலீசார் வழக்குப் பதிவு செய்துள்ளனர்.

மக்களவைத் தேர்தலில் பாஜக 303 தொகுதிகளில் அபார வெற்றி பெற்றுள்ளது. இதைத் தொடர்ந்து பிரதமர் மோடிக்கு, அரசியல் தலைவர்கள், திரைப்பிரபலங்கள் தங்கள் வாழ்த்துகளை தெரிவித்து வந்தனர்.

இந்நிலையில் பிரபல இந்தி பட இயக்குனரும் தமிழில், ‘இமைக்கா நொடிகள்’ படத்தில் வில்லனாக நடித்தவருமான அனுராக் காஷ்யப், மோடிக்கு ட்விட்டரில் வாழ்த்து தெரிவித்தார். தீவிர மோடி எதிர்ப்பாளரான அவர், அதில் மோடிக்கு கோரிக்கை ஒன்றையும் வைத்திருந்தார்.

“உங்களது வெற்றிக்கு வாழ்த்துகள். உங்களின் எதிர்ப்பாளனாகிய எனது மகளை, உங்களது தொண்டர்கள் வெற்றியை கொண்டாடுகிறோம் என்ற நோக்கத்தில் பாலியல் வன்கொடுமை செய்து விடுவதாக மிரட்டியுள்ளனர். தயவு செய்து இப்படிப்பட்ட தொண்டர்களை எப்படி கையாள் வது எனச் சொல்லி கொடுங்கள் என்று கூறியிருந்தார். அத்துடன் பாஜக தொண்டர் தனது மகளை மிரட்டும் தொனியில் பதிவிட்டிருந்த ஸ்கிரின் ஷாட்டையும் கூடவே இணைத்திருந்தார்.

இதை சமூக வலைத்தளத்தில் பலர் கடுமையாக விமர்சித்து பதிவிட்டிருந்தனர். ’இதற்கு மோடி என்ன செய்வார். போலீஸ் ஸ்டேஷனில் புகார் செய்யுங்கள். அவர்கள் நடவடிக்கை எடுப்பார்கள்’ என்று இந்தி திரையுலகைச் சேர்ந்த நடிகை சுசித்ரா கிருஷ்ணமூர்த்தி, தயாரிப்பாளர் அசோக் பண்டிட் உட்பட பலர் கூறியிருந்தனர். 

இதையடுத்து மும்பை அம்போலி போலீஸ் ஸ்டேஷனில் புகார் செய்தார் அனுராக் காஷ்யப். போலீசார், மிரட்டியவர் மீது வழக்குப் பதிவு செய்தனர். இதையடுத்து அனுராக் காஷ்யப், மும்பை போலீஸ், மகாராஷ்ட்ரா முதல்வர், பிரதமர் மோடி ஆகியோருக்கு நன்றி தெரிவித்து ட்வீட் செய்துள்ளார். 

Advertisement:
Advertisement:
Advertisement:
[X] Close