[X] Close
JUST IN
  • BREAKING-NEWS தென்னாப்பிரிக்காவுக்கு எதிரான டெஸ்ட் தொடரை கைப்பற்றியது இந்திய அணி
  • BREAKING-NEWS வரும் 17-ஆம் தேதி வடகிழக்கு பருவமழை தொடங்க வாய்ப்பு
  • BREAKING-NEWS தமிழகத்தில் வரைவு வாக்காளர் பட்டியல் அடுத்த மாதம் 25-ஆம் தேதி வெளியீடு: நவம்பர் 18-ஆம் தேதி வரை திருத்தங்கள் செய்யலாம்
  • BREAKING-NEWS ஈரோடு மாவட்டம் கோபி செட்டிப்பாளையத்தில் கனமழையால் வெள்ளப்பெருக்கு

‘Mr.லோக்கல்’ படப்பிடிப்புக்கு விடைகொடுத்தார் நயன்தாரா  

nayanthara-completes-shooting-for-sivakarthikeyan-s-mr-local

ராஜேஷ் இயக்கத்தில் சிவகார்த்திகேயன் நடித்துவரும் ‘Mr.லோக்கல்’ படத்தின் படப்பிடிப்பை நடிகை நயன்தாரா முடித்து கொடுத்துவிட்டதாக தகவல் கிடைத்துள்ளது.

‘சிவா மனசுல சக்தி’,‘பாஸ் என்கிற பாஸ்கரன்’ உள்ளிட்ட படங்களை இயக்கியவர் ராஜேஷ். காமெடிக்கு முக்கியத்துவம் கொடுத்து படங்களை இயக்குவதால் ரசிகர்கள் மத்தியில் இவரது படங்களுக்கு நல்ல வரவேற்பு உள்ளது. தற்போது இவர் நடிகர் சிவகார்த்திகேயனை கதாநாயகனாக வைத்து ஒரு புதிய படத்தை இயக்கி வருகிறார்.

 இப்படத்தில் நயன்தாரா கதாநாயகியாக நடிக்கிறார். மேலும் ராதிகா சரத்குமார், சதீஷ், யோகி பாபு உள்ளிட்ட பலர் நடிக்கின்றனர். இப்படத்துக்கு ஹிப் ஹாப் ஆதி இசையமைக்கிறார். 

இந்தப் படம் ஏப்ரல் மாதம் திரைக்கு வரும் என கூறப்படுகிறது. இப்படத்தின் ஃபர்ஸ்ட் லுக் போஸ்டரை இந்த மாதம் 2 ஆம் தேதி படக்குழு வெளியிட்டது. மேலும் படத்திற்கு 'Mr.லோக்கல்' என்று பெயரும் வெளியானது. இதன் போஸ்டரில், கையில் டீ கிளாசை வைத்துக்கொண்டு கோட் சூட், கருப்பு கண்ணாடியுடன் சிவகார்த்திகேயன் ஸ்டைலாக அமர்ந்திருந்தார். பின்னணியில் விமானம் சென்னையில் இருந்து பாரீஸ் செல்வதை குறிப்பது போல வடிவமைக்கப்பட்டிருந்தது. 

'Mr.லோக்கல்' ஃபர்ஸ்ட் லுக் போஸ்டரை சிவகார்த்திகேயன் ரசிகர்கள் சமூக வலைத்தளங்களில் பகிர்ந்து வைரலாக்கினர். மேலும் #MrLocal என்ற ஹேஸ்டேக்கை இந்திய அளவில் ட்ரெண்ட் செய்தனர்.

இந்நிலையில் இப்படத்தில் தனக்கான காட்சிகளை முழுமையாக நயன்தாரா நடித்து கொடுத்துவிட்டதாக தகவல் கிடைத்துள்ளது. இப்படத்தின் பெரும்பாலான காட்சிகள் சென்னையை மையமாக வைத்தே எடுக்கப்பட்டு வந்தன. ஆனால் படத்தின் பாடல் காட்சிகளை மட்டும் வெளிநாடுகளை எடுத்துள்ளனர். மேலும் இப்படத்தின் படப்பிடிப்பு வேலைகள் முடிந்து போஸ்ட் புரடெக்‌ஷன் வேலைகள் நடைபெற்று வருதாக தெரிய வந்துள்ளது.  

ஏற்கெனவே சிவகார்த்திகேயனுடன் நடிகை நயன்தாரா, ‘வேலைக்காரன்’ படத்தில் நடித்திருந்தார் என்பது குறிப்பிடத்தக்கது.  

Advertisement:
Advertisement:
Advertisement:
[X] Close