[X] Close
JUST IN
  • BREAKING-NEWS அதிமுகவை அழித்து அமமுக வளர்ச்சி பெறுவது என்பது முடியாதது- தங்க தமிழ்ச்செல்வன்
  • BREAKING-NEWS தமிழகத்தில் காலியாக உள்ள 6 இடங்களுக்கு ஜூலை 18ம் தேதி மாநிலங்களவை தேர்தல் நடைபெறும் - தேர்தல் ஆணையம்
  • BREAKING-NEWS சுகாதாரத்துறையில் சிறந்த மாநிலங்களுக்கான பட்டியலில், கடந்தாண்டு 3வது இடத்திலிருந்த தமிழகம் இந்த ஆண்டு 9வது இடத்திற்கு பின்தங்கியது
  • BREAKING-NEWS குடிநீருக்காக கடல் நீரை குடிநீராக்கும் திட்டத்தை திமுக அரசு கொண்டு வந்தது; அத்திட்டங்களை அதிமுக அரசு செயல்படுத்தியிருந்தால் தமிழகம் தண்ணீர் பற்றாக்குறையை சந்தித்திருக்காது - மக்களவையில் தயாநிதி மாறன் எம்.பி. பேச்சு
  • BREAKING-NEWS ஜூலை மாதத்துக்கான 31.24 டிஎம்சி நீரை கர்நாடகா திறந்து விட உத்தரவிட வேண்டும் .கர்நாடக அரசு தண்ணீர் வழங்காததாலும் நீர் இருப்பு குறைவாக உள்ளதாலும் ஜூன் 12ல் மேட்டூர் அணையை திறக்க இயலவில்லை - டெல்லியில் நடைபெறும் காவிரி மேலாண்மை ஆணைய கூட்டத்தில் தமிழக அரசு வலியுறுத்தல்
  • BREAKING-NEWS இந்திய கடலோர காவல்படை இயக்குநராக தமிழகத்தை சேர்ந்த கே.நடராஜன் நியமனம்

காதலருடன் நிச்சயதார்த்தத்தை முடித்த எமி ஜாக்சன்

amy-jackson-announces-engagement-to-british-millionaire-george-panayiotou

நடிகை எமி ஜாக்சன் தனது காதலர் ஜார்ஜ் பனாயிட்டோவுடன் நிச்சயதார்த்தம் செய்துகொண்டதாக தெரிவித்துள்ளார்.

இங்கிலாந்தை சேர்ந்த எமி ஜாக்சன் மதராசப்பட்டணம் படம் மூலம் தமிழ் திரையுலகில் அறிமுகமானார். 1947 ம் ஆண்டு கதைக்களத்தில் உருவாக்கப் பட்ட இந்த படத்தில் இவரது நடிப்பு சிறப்பாக அமைந்ததைத் தொடர்ந்து பலரது பாராட்டுகளையும் பெற்றார்.

அதைத்தொடர்ந்து தாண்டவம், ஐ, தங்க மகன், தெறி, உள்ளிட்ட படங்களில் நடித்தார். இவர் கடைசியாக தமிழில் ரஜினி நடிப்பில் வெளியான 2.0 படத்தில் ரோபோவாக நடித்திருந்தார். இப்படம் ரசிகர்கள் மத்தியில் பெரும் வரவேற்பு பெற்றது. 

இந்நிலையில், இவர் தனது காதலர் ஜார்ஜ் பனாயிட்டோவுடன் நிச்சயதார்த்தம் செய்துகொண்டதாக தெரிவித்துள்ளார். இந்த ஜோடி, கிழக்கு ஆப்பிரிக்காவில் உள்ள ஜாம்பியா நாட்டில் தற்போது புத்தாண்டு விடுமுறையைக் கொண்டாடி வருகிறது. எமி ஜாக்சனின் காதலர் ஜார்ஜ், லண்டனில் தொழிலதிபராக இருக்கிறார். புதுவருடம் நேற்று பிறந்த நிலையில் எமி ஜாக்சன் தனது இன்ஸ்டாகிராம் பக்கத்தில் காதலர் தனக்கு முத்தம் கொடுப்பது போன்ற புகைப்படம் ஒன்றை வெளியிட்டுள்ளார்.

அதில், பெரிய வைர மோதிரம் கையில் இருக்க, எமி ஜாக்சன் தன் காதலர் ஜார்ஜ் பனாயிட்டோவுடன் இருக்கும் நெருக்கமான புகைப்படத்தை வெளியிட்டுள்ளார். மேலும் “2019-ம் ஆண்டின் ஜனவரி முதல் நாள். நம்முடைய வாழ்க்கையில் சாகசம் தொடங்கியிருக்கிறது. நான் உன்னைக் காதலிக்கிறேன். இந்த உலகத்திலேயே மிக சந்தோஷமான பெண்ணாக என்னை மாற்றியதற்கு நன்றி” என இன்ஸ்டாகிராமில் அந்த புகைப்படத்துடன் குறிப்பிட்டுள்ளார் எமி.

Advertisement:
இது தொடர்பான செய்திகள் :
Advertisement:
Advertisement:

[X] Close