[X] Close
JUST IN
  • BREAKING-NEWS பொருளாதாரத்தில் பின்தங்கிய பொதுப்பிரிவினருக்கு 10% இடஒதுக்கீடு வழங்கும் சட்டத்திற்கு எதிராக உயர்நீதிமன்றத்தில் திமுக மனு
  • BREAKING-NEWS சென்னையில் முதல்வர் பழனிசாமி தலைமையில் தமிழக அமைச்சரவை கூட்டம் தொடங்கியது
  • BREAKING-NEWS கர்நாடகா மாநிலத்தின் காங்கிரஸ் எம்எல்ஏக்களை கடத்தியதால்தான் பாஜக தலைவர் அமித்ஷாவுக்கு பன்றிக்காய்ச்சல் வந்தது - பி.கே.ஹரிபிரசாத்
  • BREAKING-NEWS சென்னையில் பெட்ரோல் லிட்டருக்கு ரூ. 73.23 காசுகளாகவும், டீசல் லிட்டருக்கு ரூ. 68.62 காசுகளாகவும் விலை நிர்ணயம்
  • BREAKING-NEWS எச்.ஐ.வி. ரத்தம் ஏற்றப்பட்ட சாத்தூர் பெண்ணுக்கு பெண் குழந்தை பிறந்தது
  • BREAKING-NEWS மக்களவை தேர்தலுக்கு தயாராக இருக்க மாநில அரசுக்கு தேர்தல் ஆணையம் உத்தரவு; சொந்த மாவட்டத்திலோ அல்லது 3 ஆண்டுகளுக்கு மேலாக ஒரே இடத்திலோ பணியாற்றும் அரசு அதிகாரிகளை பிப்ரவரி 28-ஆம் தேதிக்குள் இடமாற்றம் செய்ய உத்தரவு
  • BREAKING-NEWS வண்டலூர் அறிஞர் அண்ணா உயிரியல் பூங்காவிற்கு கடந்த 4 நாட்களில் 1 லட்சம் பேர் வருகை தந்துள்ளனர் - பூங்கா நிர்வாகம்

“யானைப் பசிக்கு சோளப்பொறி போன்றது” - கலைப்புலி எஸ்.தாணு

film-producer-kalaipuli-s-thanu-has-criticized-the-gsd-cutting-cinema-on-cinema-ticket-as-a-soap-for-the-elephant-hunger

சினிமா டிக்கெட் மீதான ஜி.எஸ்.டி குறைப்பு யானைப் பசிக்கு சோளப்பொறி போன்றது என திரைப்பட தயாரிப்பாளர் கலைப்புலி எஸ்.தாணு விமர்சித்துள்ளார்.

மத்திய நிதி அமைச்சர் அருண் ஜெட்லி தலைமையில் ஜிஎஸ்டி கவுன்சிலின் 31-வது கூட்டம் நேற்று காலை டெல்லியில் நடைபெற்றது. இந்தக் கூட்டத்தில், கவுன்சில் உறுப்பினர்களாக உள்ள மாநில நிதி அமைச்சர்கள் கலந்து கொண்டு தங்கள் மாநிலம் சார்ந்த கோரிக்கைகள் மற்றும் ஆலோசனைகளை தெரிவித்தனர். தமிழக அரசின் சார்பில் அமைச்சர் ஜெயக்குமார் கலந்து கொண்டார்.

டெல்லியில் ஜிஎஸ்டி கவுன்சில் கூட்டத்தில் பங்கேற்ற பின்னர், மீன்வளத்துறை அமைச்சர் ஜெயக்குமார் செய்தியாளர்களை சந்தித்தார். அப்போது பேசிய அவர், “ஜிஎஸ்டி கவுன்சில் கூட்டத்தில் 33 பொருட்கள் மீதான வரியை குறைக்க முடிவு எடுக்கப்பட்டது. 100 ரூபாய்க்கு மேல் உள்ள சினிமா டிக்கெட்டுக்கான ஜிஎஸ்டி 28 %ல் இருந்து 18%ஆக குறைக்கப்பட்டுள்ளது. 100 ரூபாய்க்கு கீழ் உள்ள சினிமா டிக்கெட்டுக்கான ஜிஎஸ்டி 18%ல் இருந்து 12%ஆக குறைக்கப்பட்டுள்ளது. தமிழகம் சம்பந்தப்பட்ட 23 பொருட்கள் மீதான ஜிஎஸ்டி குறைக்கப்பட்டுள்ளது. இதில் 28% உள்ள பொருட்கள் 12% ஆகவும் சில பொருட்கள் 5% ஆகவும் குறைக்கப்பட்டுள்ளது”என்று கூறினார்.

இதைத்தொடர்ந்து சினிமா டிக்கெட்டுக்கான ஜிஎஸ்டி குறைக்கப்பட்டதற்கு ஃபெப்சி அமைப்பு அரசுக்கும் அமைச்சர் ஜெயக்குமாருக்கும் நன்றி தெரிவித்திருந்தது.

இந்நிலையில், சினிமா டிக்கெட் மீதான ஜி.எஸ்.டி குறைப்பு குறித்து திரைப்பட தயாரிப்பாளர் கலைப்புலி எஸ்.தாணு விமர்சித்துள்ளார்.

வேலூரில் நடைபெற்ற நிகழ்ச்சி ஒன்றில் கலந்து கொண்ட பின் அவர் அளித்த பேட்டியில், “சினிமா டிக்கெட்டுக்கான ஜி.எஸ்.டி குறைப்பு என்பது யானை பசிக்கு சோளப் பொறி மாரிதான் உள்ளது. மொத்தத்தையும் அகற்றினால் தான் சினிமா நல்லா இருக்கும், தலைக்கும். அதோடு மட்டும் இல்லாமல் இன்றைக்கு இருக்கக்கூடிய ஏற்றத்தாழ்வுக்கும் மிகப்பெரிய பொருளாதார வீழ்ச்சிக்கு ஜி.எஸ்.டி தான் காரணம் இதை அறவே அகற்ற வேண்டும். அக இருள் அகற்றி அறிவொளி வீச வேண்டும்” என தெரிவித்தார்.

Advertisement:
Advertisement:
Advertisement:
[X] Close