[X] Close
JUST IN
  • BREAKING-NEWS சென்னையில் பெட்ரோல் லிட்டருக்கு ரூ.72.94 காசுகளாகவும், டீசல் லிட்டருக்கு ரூ.68.18 காசுகளாகவும் விலை நிர்ணயம்
  • BREAKING-NEWS சிலைக்கடத்தல் வழக்கில் பொன் மாணிக்கவேல் பதவி நீட்டிப்புக்கு தடை விதிக்க உச்சநீதிமன்றம் மறுப்பு
  • BREAKING-NEWS இயக்குநர் ஏ.ஆர்.முருகதாஸை கைது செய்ய டிசம்பர் 20 வரை தடை விதித்தது சென்னை உயர்நீதிமன்றம்
  • BREAKING-NEWS புதிய தலைமைச் செயலக வழக்கை லஞ்ச ஒழிப்புத்துறைக்கு மாற்றிய அரசாணை ரத்து - உயர்நீதிமன்றம்
  • BREAKING-NEWS மேகதாது அணைக்கு எதிர்ப்பு தெரிவித்து தமிழக அரசு தொடுத்த நீதிமன்ற அவமதிப்பு வழக்கை நாளை விசாரிக்கிறது உச்சநீதிமன்றம்
  • BREAKING-NEWS தெலங்கானா சட்டப்பேரவை தேர்தலில் வெற்றிபெற்ற சந்திரசேகர ராவுக்கு சந்திரபாபு நாயுடு ட்விட்டரில் வாழ்த்து

மோஷன் போஸ்டரில் புதிய சாதனை படைத்த 'விஸ்வாசம்'

viswasam-motion-poster-becomes-india-s-most-liked-motion-poster

அறிவிப்பின்றி வெளியிடப்பட்டாலும் விஸ்வாசம் படத்தின் மோஷன் போஸ்டர் இன்றும் யூ டியூப்பில் சாதனை படைத்துக்கொண்டு இருக்கிறது.  

அஜித் ரசிகர்களால் தினமும் சமூக வலைத்தளத்தில் வைரலாக்கப்பட்டு வருகிறது விஸ்வாசம். படப்பிடிப்பு தொடங்கியது முதல் பரபரப்புக்கு பஞ்சமில்லாமல் ரசிகர்கள் கொண்டாடிக்கொண்டு இருக்கிறார்கள். விஸ்வாசம் படத்தின் மூலம் அஜித்துடன் 4வது முறையாக இயக்குநர் சிவா கூட்டணி சேர்ந்துள்ளார். எனவே அதிகமான எதிர்பார்ப்பு இப்படத்திற்கு உருவாகியது.

இந்தப் படம் பொங்கல் அன்று வெளியாகும் என அறிவிக்கப்பட்டது. இதற்கிடையே கார்த்தி சுப்புராஜ் இயக்கத்தில் ரஜினிகாந்த் நடித்துள்ள ‘பேட்ட’ படமும் பொங்கல் அன்று வெளியாக உள்ளதாக அதிகாரப்பூர்வ அறிவிப்பு வெளியானது. இதனால் வரும் பொங்கல் அஜித்-ரஜினி மோதும் பொங்கலாக பார்க்கப்படுகிறது. 

இந்நிலையில் விஸ்வாசம் படத்தின் டீசர் எப்போது வெளியாகும் என அஜித் ரசிகர்கள் காத்திருந்த நிலையில், அந்தப் படத்தின் மோஷன் போஸ்டர் கடந்த ஞாயிறன்று வெளியிட்டப்பட்டது. எந்த முன்னறிவிப்பும் இன்றி திடீரென்று மோஷன் போஸ்டர் விடப்பட்டாலும் வழக்கம்போல் அஜித் ரசிகர்கள் கொண்டாடி தீர்த்தனர். போஸ்டர் வெளியாகி சிறிது நேரத்தில் சமூக வலைத்தளங்களில் ட்ரெண்டானது.

இந்நிலையில் இன்று வரை யூடியூப் சமூக வலைதளத்தில் இந்த போஸ்டர் வீடியோ ட்ரெண்டிங்கில் உள்ளது. ரசிகர்களிடம் பெரும் வரவேற்பை பெற்றுள்ள இந்த போஸ்டர் அஜீத் ரசிகர்களால் அதிக அளவில் பார்க்கப்பட்டு வருகிறது. இது வரை விஸ்வாசம் மோஷன் போஸ்டரை 50 லட்சத்திற்கும் அதிகமானோர் பார்த்தும், 4 லட்சத்துக்கும் அதிகமானோர் லைக் செய்தும் உள்ளனர். இதற்கு முன் வெளியான பல படங்களில் மோஷன் போஸ்டர்கள் விஸ்வாசம் படத்தைவிட குறைவான பார்வையாளர்களையும், லைக்குகளை மட்டுமே பெற்றுள்ளன. இதனால் விஸ்வாசம் படத்தின் மோஷன் போஸ்டர் யூடியூபில் சாதனை படைத்து வருகிறது. 

பொங்கல் போட்டியாக பார்க்கப்படும் பேட்ட திரைப்படத்தின் மோஷன் போஸ்டரை இதுவரை 45 லட்சத்துக்கும் குறைவானவர்களே பார்த்துள்ளனர். வழக்கம் போல் சமூக வலைதளங்களில் அஜித் கொண்டாடப்படுபவர் என்பதால் பேட்ட திரைப்படத்தை அடித்து முன்னேறிக்கொண்டு இருக்கிறது விஸ்வாசம். ஆனால் பொங்கலன்று தான் உண்மையான போட்டி இருப்பதாகவும், திரையரங்கு போட்டியில் தலைவரா? தலயா? என்பதை பொறுத்திருந்து தான் பார்க்க வேண்டும் என்றும் சினிமா ரசிகர்கள் பதிவிட்டு வருகின்றனர்.

Advertisement:
இது தொடர்பான செய்திகள் :
Advertisement:
Advertisement:
[X] Close