Published : 20,Jul 2017 05:12 AM

பாகுபலி ஜம்ப்: பரிதாபத்தில் போலீசார்

Baahubali-stunt-from-waterfall-at-Mahuli-becomes-leap-of-death

மகாராஷ்டிர மாநிலம், தானே அருகே உள்ளது மஹுலி அருவி. இது சுற்றுலா தலமாக இருக்கிறது. சீசன் நேரங்களில் காட்டுக்குள் இருக்கும் இந்த அருவிக்கு வருபவர்களின் எண்ணைக்கை அதிகரிக்கும். இந்த அருவில் இப்போது ’பாகுபலி’ படத்தில் பிரபாஸ் ஏறுவது போல ஏறி குதிப்பது இளைஞர்களின் விளையாட்டாக இருக்கிறது. இந்த விளையாட்டு வினையாகி சிலர் பலியாகியுள்ளனர். இதனால் இந்தப் பகுதிக்குட்பட்ட சகாஹபூர் போலீசாருக்குத்தான் தூக்கம் தொலைகிறது. இதையடுத்து இந்த அருவியை மூட வேண்டும் என்ற கோரிக்கை எழுந்துள்ளது.

இதுபற்றி சகாஹபூர் போலீஸ் அதிகாரி மகேஷ் கூறும்போது, ‘வருகிற இளைஞர்கள் பாகுபலி பட காட்சியை போல அருவில் ஏற முயற்சிக்கின்றனர். பாதியில் கால் தடுமாறி கிழே விழுந்து காயமடைகின்றனர். சிலர் இறந்து போய்விடுகின்றனர். சமீபத்தில் மும்பை பிவண்டியை சேர்ந்த தொழிலதிபர் இந்திரபால் படேல், அப்படி இறந்துள்ளார். கடந்த இரண்டு வாரங்களில் 2 பேர் இறந்துள்ளனர். இரண்டு நாட்களுக்கு ஒருவர் வீதம் காயமடைகின்றனர்’ என்றார். அருவியில் ஏறக்கூடாது என்று போலீசார் எச்சரித்தும் யாரும் கேட்பதில்லை என்கிறார் இவர். இதையடுத்து, அருவிக்கு வழியை அடைத்துவிடும் படி வனத்துறைக்கு கடிதம் எழுதியிருக்கிறார்களாம். 
 

சற்று முன்



எடிட்டர் சாய்ஸ்