ஆன்லைன் மூலம் மணல் விற்பனைக்கு பெரும் வரவேற்பு கிடைத்துள்ளது. கடந்த 2 நாட்களில் ஆன்லைன் மூலம் மணல் பெறுவதற்காக 18 ஆயிரத்து 400 பேர் முன்பதிவு செய்துள்ளனர்.

மணல் லாரிக்காக காத்திருப்பதை தவிர்க்கவும், அனைத்து தரப்பினருக்கும் மணல் கிடைக்கவும் ஆன்லைன் முன்பதிவு செய்யும் முறையை முதலமைச்சர் எடப்பாடி பழனிசாமி தொடங்கி வைத்தார். அதற்காக, இணையதளம் மூலம் முன்பதிவு செய்வது பற்றி லாரி உரிமையாளர்களுக்கு பயிற்சியும் அளிக்கப்பட்டது. அதையடுத்து கடந்த 1 ஆம் தேதி முதல் லாரி உரிமையாளர்கள் மணல் அள்ள ஆன்லைனில் முன்பதிவு செய்யத் தொடங்கினர். அதன்படி, முதல் நாளன்று 14 ஆயிரத்து‌ 897 லாரி உரிமையாளர்களும், பொதுமக்கள் சார்பில் 400 பேரும் விண்ணப்பித்திருந்தனர். இரண்டாவது நாளன்று 3 ஆயிரத்திற்கும் மேற்பட்டோர் விண்ணப்பித்திருந்தனர். ஆன்லைன் மூலம் விண்ணப்பிப்பதால் பல நாட்கள் காத்திருக்க வேண்டிய அவசியமில்லை என லாரி உரிமையாளர்கள் தெரிவித்தனர்.