[X] Close

விரைவில் ஏ.ஆர்.முருகதாஸ்க்கு "ஓகே" சொல்கிறார் நடிகர் விஜய் ?

சினிமா

Thalapathy-65-to-be-finalised-after-AR-Murugadoss-final-narration

நடிகர் விஜய் நடிப்பில் உருவாக இருக்கும் 65 ஆவது படத்தை ஏ.ஆர்.முருகதாஸ் இயக்க இருப்பது கிட்டதட்ட உறுதியாகி இருப்பதாக தகவல் வெளியாகி இருக்கிறது.

நடிகர் விஜய் மாஸ்டர் படத்தில் நடித்து முடித்துவிட்டு அதன் வெளியீட்டுக்காக தற்போது காத்திருக்கிறார். அதே நேரத்தில் அவருடைய அடுத்த படமான தளபதி 65 பற்றிய எதிர்பார்ப்பும் தொடர்ந்து அதிகரித்துக் கொண்டிருக்கிறது. இந்த படத்தை இயக்கப் போவது யார் என்பது பற்றிய அதிகாரப்பூர்வ அறிவிப்பு இதுவரை வெளியாகவில்லை.

image


Advertisement

ஆனால் "தளபதி 65" படத்தை ஏ.ஆர்.முருகதாஸ் இயக்க இருப்பதாக கோலிவுட் வட்டாரங்கள் கூறுகின்றது. முருகதாஸ் இயக்கத்தில் விஜய் ஏற்கெனவே துப்பாக்கி, கத்தி மற்றும் சர்கார் ஆகிய வெற்றிப்படங்களை கொடுத்தவர். கடந்த மார்ச் மாதம் விஜய்யை சந்தித்து முருகதாஸ் பேசியதாக கூறப்படுகிறது. அப்போது ஒரு வரி கதையை மட்டுமே விஜயிடம் அவர் கூறினார் என சொல்லப்படுகிறது.

image

இந்நிலையில் இப்போது முழு கதையும் தயாராக இருப்பதால் ஏ. ஆர். முருகதாஸ் விரைவில் விஜய் நேரில் சந்தித்து முழுக் கதையையும் அவரிடம் சொல்ல உள்ளார் என தகவல் வெளியாகி இருக்கிறது. இப்போது வரை தளபதி 65 படத்தில் இசையமைப்பாளர் தமன் மட்டுமே உறுதி செய்யப்பட்டு இருக்கிறார். படத்தின் நாயகி மற்றும் தொழில்நுட்ப கலைஞர்கள் குறித்த விவரங்கள் இன்னும் வெளியாகவில்லை என்பது குறிப்பிடத்தக்கது.

Advertisement:

Advertisement

Advertisement
[X] Close