Published : 16,Jun 2020 12:48 PM

தமிழகத்தில் இன்று 1,515 பேருக்கு கொரோனா..!

1515-corona-positive-cases-in-Tamil-Nadu-today

தமிழகத்தில் இன்று ஒரே நாளில் 1,515 பேருக்கு கொரோனா நோய்த் தொற்று இருப்பது உறுதி செய்யப்பட்டுள்ளது.

தமிழகத்தில் கடந்த சில தினங்களாக நாள்தோறும் ஆயிரத்திற்கும் மேற்பட்டோர் கொரோனா நோய்த் தொற்றால் பாதிக்கப்பட்டு வருகின்றனர். அந்த வகையில் இன்றும் ஒரே நாளில் 1,515 பேருக்கு கொரோனா நோய்த் தொற்று இருப்பது உறுதி செய்யப்பட்டுள்ளது. இதுவரை கொரோனாவால் பாதிக்கப்பட்ட நோயாளிகளின் எண்ணிக்கை 48,019 ஆக உயர்ந்துள்ளது. 

 image

மேலும், தமிழகத்தில் இன்று மட்டும் 1438 பேர் கொரோனாவில் இருந்து மீண்டு டிஸ்சார்ஜ் செய்யப்பட்டுள்ளனர். இதனால் ஒட்டு மொத்தமாகத் தமிழகத்தில் இதுவரை குணமடைந்தவர்களின் எண்ணிக்கை 26,782 ஆக உயர்ந்துள்ளது.

 image

சென்னையைப் பொறுத்தவரை இன்று ஒரே நாளில் மட்டும் 919 பேர் கொரோனாவால் பாதிக்கப்பட்டுள்ளனர். இதுவரை மொத்தம் சென்னையில் மட்டும் நோயாளிகளின் எண்ணிக்கை 34,245 ஆக உயர்ந்துள்ளது. தமிழகத்தில் இன்று கொரோனா பாதிப்புக்கு 49 பேர் உயிரிழந்துள்ளனர். ஆக இதுவரை 528 பேர் உயிரிழந்துள்ளனர் என்பது குறிப்பிடத்தக்கது.

தமிழகத்தில் கடந்த சில தினங்களாக 1800, 1900க்கு மேல் கொரோனா பாதிப்பு இருந்து வந்த நிலையில், இன்று 1515 பேருக்கு கொரோனா பாதிப்பு என்ற அளவில் குறைந்து காணப்பட்டுள்ளது. அதேபோல்,சென்னையிலும் ஆயிரத்திற்கும் குறைவாக பாதிப்பு ஏற்பட்டுள்ளது. இந்த நிலை தொடருமா அல்லது மீண்டும் உயருமா என்பது அடுத்து வரும் நாட்களில்தான் தெரியும்.

சற்று முன்



எடிட்டர் சாய்ஸ்