Published : 09,Jun 2017 02:16 PM
இந்திய அணி வீழ்த்தமுடியாத அணியல்ல: விராட் கோலி
இந்திய கிரிக்கெட் அணி வீழ்த்தமுடியாத அணி அல்ல என கேப்டன் விராட் கோலி கருத்து தெரிவித்துள்ளார்.
சாம்பியன்ஸ் கோப்பை கிரிக்கெட்டில் இலங்கையிடம் தோல்வி அடைந்த பிறகு செய்தியாளர்களிடம் பேசிய அவர், இலங்கையுடனான ஆட்டத்தில் போதுமான ரன்கள் சேர்த்தும், இலங்கை அணியின் சிறப்பான பேட்டிங்கால் வெற்றி கைகூடவில்லை. நம் அணி தோற்கடிக்கப்பட முடியாத அணியல்ல. இலங்கை அணி அவர்கள் திட்டமிடலை சரியாக பிரயோகப்படுத்தியதற்கு நாம் பாராட்டியே ஆகவேண்டும். நாம் சரியாக திட்டங்களை பிரயோகப்படுத்தவில்லை. அப்படியிருக்கும் போது சிந்தனைக்கு எப்போதும் தீனி இருந்து கொண்டுதான் இருக்கும். இத்தகைய தொடர்கள் சவால் மிகுந்தவை என்று நான் ஏற்கெனவெ கூறியிருந்தேன். இன்னும் சொல்லப்போனால் அடுத்து வரும் போட்டிகள் ஏறக்குறைய காலிறுதிதான், இத்தகைய சோதனை வரவேற்கத்தக்கதுதான், அணிகளுக்கு இதனால் உத்வேகம் கூடுதலாகும் என அவர் தெரிவித்தார்.
