''உற்சாகமான ஒருவர்'' - தனுஷ் படம் குறித்த ஜிவியின் சஸ்பென்ஸ்!

D43 திரைப்படம் குறித்து இசையமைப்பாளர் ஜிவி பிரகாஷ் ட்வீட் செய்துள்ளார்.

துருவங்கள் பதினாறு, மாஃபியா ஆகிய திரைப்படங்களை இயக்கியவர் இளம் இயக்குநர் கார்த்திக் நரேன் . இவர் இயக்கத்தில் தனுஷ் ஒரு புதிய படத்தில் நடிக்க இருக்கிறார். இதற்கான அறிவிப்பு சமீபத்தில் வெளியானது.இந்தப் படம் தனுஷின் 43-ஆவது திரைப்படமாகும்.

தற்போது மாரி செல்வராஜ் இயக்கி வரும் ‘கர்ணன்’ படத்தின் படப்பிடிப்பு முடிவடைந்துள்ள நிலையில் பாலிவுட் படமான அந்தராங்கி ரே படத்தின் படப்பிடிப்பில் கலந்து கொண்டுள்ளார் .அதனை அடுத்து அவர் சத்யஜோதி ஃபிலிம்ஸ் தயாரிக்க உள்ள ‘டி43’ படத்தில் பங்கேற்பார் எனத் தெரிகிறது. இதற்கு ஜி.வி பிரகாஷ் இசையமைக்க இருக்கிறார்.

இந்நிலையில், D43 திரைப்படம் குறித்து இசையமைப்பாளர் ஜிவி பிரகாஷ் ட்வீட் செய்துள்ளார். அதில், D43 படத்திற்காக இரண்டு ட்யூன்களை முடித்துவிட்டோம். உற்சாகமான ஒருவர் பாடல் எழுதவுள்ளார் எனத் தெரிவித்துள்ளார். ஜிவியின் இந்த ட்வீட் ரசிகர்கள் மத்தியில் எதிர்பார்ப்பை அதிகரித்துள்ளது. இந்தப்பாடலை தனுஷ் எழுத வாய்ப்பிருப்பதாக பலரும் கருத்து தெரிவித்து வருகின்றனர்.

 ‘கொக்கி குமாரின் புது அவதாரம்’: புதுப்பேட்டை2-ஐ உறுதி செய்த செல்வராகவன்..!