பேராசிரியர் க.அன்பழகன் மறைவு பேரிழப்பு : அஞ்சலி செலுத்திய பின் ரஜினிகாந்த் பேட்டி

திமுக பொதுச்செயலாளர் க.அன்பழகன் உடலுக்கு நடிகர் ரஜினிகாந்த் நேரில் அஞ்சலி செலுத்தினார்.

முதுபெரும் அரசியல் தலைவரும் திமுக பொதுச்செயலாளருமான க.அன்பழகன் (98) காலமானார். அவரது மறைவிற்கு திமுகவினர் மட்டுமின்றி பல்வேறு அரசியல் கட்சித் தலைவர்களும் இரங்கல் தெரிவித்து வருகின்றனர். தற்போது சென்னை கீழ்ப்பாக்கத்தில் உள்ள வீட்டில் அன்பழகனின் உடல் அஞ்சலிக்காக வைக்கப்பட்டுள்ளது. அவரது உடலுக்கு பல முக்கிய பிரமுகர்களும் நேரில் அஞ்சலி செலுத்தி வருகின்றனர். திமுக தலைவர் மு.க.ஸ்டாலின், மதிமுக தலைவர் வைகோ, காங்கிரஸ் எம்.பி திருநாவுக்கரசர் உள்ளிட்டோர் நேரில் அஞ்சலி செலுத்தினர்.

இந்நிலையில், நடிகர் ரஜினிகாந்த் க.அன்பழகன் உடலுக்கு நேரில் அஞ்சலி செலுத்தினார். பின்னர் பேட்டியளித்த ரஜினி, பேராசிரியர் அன்பழகன் மறைவு பேரிழப்பு என்று தெரிவித்தார். இதற்கிடையே இந்திய கம்யூனிஸ்ட் மூத்த தலைவர் நல்லக்கண்ணு, நடிகர் சத்யராஜ் மற்றும் கனிமொழி, தயாநிதிமாறன், டி.ஆர்.பாலு, ஆ.ராசா, எ.வ.வேலு உள்ளிட்ட திமுகவின் முக்கிய தலைவர்கள் பலர் நேரில் அஞ்சலி செலுத்தினர். நடிகர் சத்தியராஜ் கூறும்போது, க.அன்பழகனின் இறப்பு திராவிட இயக்கத்திற்கு பேரிழப்பு என்றார்.

சொகுசுப் பேருந்தில் ரூ.3 கோடி நகைகள் கொள்ளை - நூதனமாகப் பிடித்த போலீஸ்