“எடியூரப்பா ஒரு பலவீனமான முதல்வர்” - சித்தராமையா 

எடியூரப்பா ஒரு பலவீனமான முதலமைச்சர் எனவும் அவரைப் போன்று நான் வெறுப்பு அரசியலில் ஈடுபட்டதில்லை எனவும் கர்நாடக காங்கிரஸ் மூத்த தலைவர் சித்தராமையா தெரிவித்துள்ளார். 

இதுகுறித்து செய்தியாளர்களை சந்தித்த அவர், “எடியூரப்பா பதவியை ராஜினாமா செய்துவிட்டு செல்ல நான் பரிந்துரைக்கிறேன். அவர் ஒரு பலவீனமான முதலமைச்சர். நான் பதவியில் இருந்தபோது அவரைப்போன்று ஒருபோதும் வெறுப்பு அரசியலில் ஈடுபட்டதில்லை. பணமதிப்பிழப்பு வழக்கில் டி கே சிவகுமருக்கு ஜாமீன் மறுக்கப்பட்டதன் மூலம் தற்போதைய மாநில அரசு எதிர்க்கட்சித் தலைவர்கள் மீது கட்டுப்பாட்டைக் கொண்டுவர திட்டமிட்டுள்ளது.

சிவக்குமாருக்கு ஜாமீன் கொடுப்பதில் என்ன பிரச்னை என எனக்குப் புரியவில்லை. தற்போதைய கர்நாடக அரசாங்கம் தூய்மையற்ற அரசாங்கம். வெள்ளத்தினால் பாதிக்கப்பட்டவர்களுக்கு இழப்பீட்டுத் தொகையை கூட கொடுக்கவில்லை. இந்தச் சம்பவம் நடைபெற்று 50 நாட்களுக்கு மேலாகிவிட்டது, ஆனால் இன்னும் மாநில அரசு மக்களுக்கு எந்த இழப்பீடும் வழங்கவில்லை. கடந்த மாதத்தில் பெய்த கனமழையால் 80 க்கும் மேற்பட்டோர் உயிரிழந்தனர். ஆனால் இதுவரை பிரதமர் வந்து மாநிலத்தை பார்வையிடவில்லை.” எனத் தெரிவித்தார்.