[X] Close

இன்றைய முக்கியச் செய்திகள் சில..

Headlines-of-the-day

மூன்று நாடுகள் அரசுமுறை பயணத்தை நிறைவு செய்து சென்னை திரும்பினார் முதலமைச்சர் எடப்பாடி பழனிசாமி. விமானநிலையத்தில் அமைச்சர்கள், கட்சி நிர்வாகிகள், தொண்டர்கள் உற்சாக வரவேற்பு.

தமது சுற்றுப்பயணம் முழுமையாக வெற்றி பெற்றிருப்பதாக முதலமைச்சர் பழனிசாமி அறிவிப்பு. நீர் சிக்கன திட்டங்களை ஆய்வு செய்ய இஸ்ரேல் பயணம் மேற்கொள்ளப்போவதாகவும் பேட்டி.

விக்ரம் லேண்டரை துல்லியமாகக் கண்டறிய ஆர்பிட்டரை நிலவின் அருகே கொண்டு செல்ல இஸ்ரோ திட்டம். நிலவின் மேற்பகுதியில் இருக்கும் விக்ரம் லேண்டர் சேதமடையாமல் இருப்பதாக அதிகாரிகள் தகவல்.


Advertisement

ஒரே முறை பயன்படுத்தும் பிளாஸ்டிக் பொருட்களுக்கு விடைகொடுக்கும் காலம் வந்துவிட்டது. உலக நாடுகளின் பிரதிநிதிகள் மத்தியில் பிரதமர் நரேந்திர மோடி பேச்சு.

பதவி விலகிய சென்னை உயர்நீதிமன்றத் தலைமை நீதிபதி தஹில் ரமாணியை சந்தித்து அமைச்சர் சி.வி.சண்முகம் ஆலோசனை. தலைமை நீதிபதியை இடமாற்றம் செய்யும் முடிவை கைவிட வலியுறுத்தி வழக்கறிஞர்கள் ஆர்ப்பாட்டம்.

ரயில்வே துறை சார்ந்த தேர்வுகளை தமிழ் உள்ளிட்ட மாநில மொழிகளில் நடத்த தடையில்லை. ஆங்கிலம், இந்தியில் மட்டுமே எழுத வேண்டும் என சர்ச்சை எழுந்த நிலையில் ரயில்வே வாரியம் விளக்கம்.

தென்னிந்தியாவில் பயங்கரவாதிகள் தாக்குதல் நடத்த திட்டம். ராணுவ கமாண்டர் எஸ்.கே.சைனி எச்சரிக்கை.

கோவை, நீலகிரி, தேனி மாவட்டங்களில் கனமழைக்கு வாய்ப்பு. சென்னையில் மாலை அல்லது இரவில் மழை பெய்யக்கூடும் என வானிலை மையம் அறிவிப்பு.

பிரிட்டனின் முன்கூட்டியே தேர்தல் நடத்த எம்பிகள் எதிர்ப்பு. பிரதமர் போரிஸ் ஜான்சன் முன்வைத்த தீர்மானம் நாடாளுமன்றத்தில் தோல்வி.

Advertisement:

Advertisement

Advertisement
[X] Close