6 விக்கெட் அள்ளினார் கிருஷ்ணப்பா கவுதம், இந்திய ஏ அணி அசத்தல்

வெஸ்ட் இண்டீஸ் ஏ அணியுடனான அதிகாரப்பூர்வமற்ற டெஸ்ட் போட்டியில், இந்திய ஏ அணியின் கிருஷ்ணப்பா கவுதம் 6 விக்கெட் வீழ்த்தினார்.

இந்திய ஏ அணி, வெஸ்ட் இண்டீஸில் சுற்றுப்பயணம் செய்து அந்நாட்டு ஏ அணியுடன் கிரிக்கெட் விளையாடி வருகிறது. இந்த இரு அணிகளுக்கு இடையிலான அதிகாரப்பூர்வமற்ற மூன்றாவது டெஸ்ட் போட்டி, இப்போது நடந்து வருகிறது. இதில் இந்திய ஏ அணி, முதல் இன்னிங்ஸில் 201 ரன்கள் எடுத்தது. சாஹா 62 ரன்களும் கேப்டன் விஹாரி 55 ரன்னும் எடுத்தனர். 

பின்னர் வெஸ்ட் இண்டீஸ் ஏ அணி ஆடியது. இந்திய ஏ அணியின் சுழற்பந்துவீச்சாளர் கிருஷ்ணப்பா கவுதமின் ஹாட்ரிக் விக்கெட்டால் அந்த அணி, 194 ரன்னுக்கு அனைத்து விக்கெட்டையும் இழந்தது. அவர் ஹாட்ரிக் விக்கெட்டுடன் மொத்தம் 6 விக்கெட்டுகளை வீழ்த்தினார். 

அடுத்து இரண்டாவது இன்னிங்ஸை தொடங்கிய இந்திய ஏ அணி, 3 விக்கெட் இழப்புக்கு 23 ரன் எடுத்துள்ளது. நதீம் 5 ரன்களுடனும் சுப்மன் கில் 2 ரன்களுடனும் களத்தில் உள்ளனர். 3 வது நாள் ஆட்டம் இன்று நடக்கிறது.