மலேசியாவில் கை, கால் உடைக்கப்பட்ட கணவர் - மீட்க மனைவி வேண்டுகோள்

மலேசியாவில் கூலி வேலைக்குச் சென்ற கணவரின் கை, காலை சிலர் உடைத்ததாகவும், அவரை மீட்குமாறும் ராமநாதபுரம் ஆட்சியரிடம் இளம்பெண் கண்ணீருடன் வேண்டுகோள் விடுத்தார்.

ராமநாதபுரம் மாவட்டம் மேல்ஆய்க்குடி கிராமத்தைச் சேர்ந்த இளம்பெண் பஞ்சவர்ணம். இவரது கணவர் ராக்கன் என்பவர் கடந்த ஓர் ஆண்டுக்கு முன்பு மலேசியாவில் கூலி வேலைக்கு சென்றுள்ளார். அவர் தங்கியிருந்த இடத்தில் உடன் இருந்தவர்களுடன் தகராறு ஏற்பட்டுள்ளது. இந்தத் தகராறில் அவரை உடன் இருந்தவர்கள் கடுமையாக தாக்கி கை, காலை உடைத்தாக தெரிகிறது. இதனால் ராக்கன் மருத்துவமனையில் அனுமதிக்கப்பட்டு சிகிச்சை பெற்று வருகிறார். 

ஆனால் அங்கு யாரும் அவரைப் பார்த்துக்கொள்ள ஆள் யாரும் இல்லை. இதனால் படுகாயம் ஏற்பட்டு மருத்துவமனையில் சிகிச்சை பெற்று வரும் கணவரை இந்திய வெளியுறவுத்துறை மூலம் தமிழக அரசு மீட்க வேண்டும் என அவரது மனைவி கோரிக்கை விடுத்துள்ளார். 

மேலும், தனது கணவரை விரைவில் தமிழகம் கொண்டுவர உதவி செய்ய வேண்டும் என மாவட்ட ஆட்சியரை நேரில் சந்தித்து கண்ணீர் மல்க வேண்டுகோள் விடுத்தார்.