தமிழில் புத்தாண்டு வாழ்த்துகளை பகிர்ந்த சிஎஸ்கே வீரர்கள் !

சென்னை சூப்பர் கிங்ஸ் வீரர்கள் தமிழில் தங்களின் செல்லப் பெயர்களை எழுதி தமிழ்ப் புத்தாண்டு வாழ்த்துகளை தெரிவித்துள்ளனர்.

12வது ஐபிஎல் தொடர் மிகவும் விறுவிறுப்பாக சென்றுகொண்டிருக்கிறது. ஒவ்வொரு போட்டியும் சுவாரஸ்யம் குறையாமல் சென்று கொண்டிருக்கிறது. இந்த ஐபிஎல் தொடரில் இதுவரை 7 போட்டிகளில் விளையாடியுள்ள சென்னை சூப்பர் கிங்ஸ் அணி, 6 போட்டிகளில் வெற்றி பெற்று அசத்தியுள்ளது. இந்நிலையில் இன்று தமிழ்ப் புத்தாண்டு கொண்டாடப்படுவதை முன்னிட்டு சிஎஸ்கே வீரர்கள் தமிழில் வாழ்த்துகளை தெரிவித்துள்ளனர். 

அதுமட்டுமல்லாமல் தங்களின் செல்லப் பெயர்களை முரளி விஜய் எழுதி கொடுக்க அதைப்பார்த்து சிஎஸ்கே வீரர்களும் தமிழில் எழுதுகின்றனர். ரெய்னா 'சின்ன தல' என்றும், இம்ரான் தாஹீர் 'ஓடினேன்' என்றும் எழுத இந்தச் செல்லப்பெயர் பட்டியல் நீள்கிறது. இவர்களுக்கு தமிழ் ஆசானாக இருந்த முரளி விஜய் கடைசியாக தனது பெயரை எழுதி தமிழ்ப் புத்தாண்டு வாழ்த்துகளை தெரிவிக்கிறார். 

இந்த வீடியோ தற்போது சமூக வலைத்தளங்களில் பரவி வருகிறது. என்ன இருந்தாலும் எங்க புலவர் ஹர்பஜனை காணவில்லையே என்று சிஎஸ்கே ரசிகர்கள் கிண்டலாக பதிவிட்டு வருகின்றனர்.

Super wishes from the super kings! Start off the year with Thamizh Singams inking the script with a special wish for the #WhistlePoduArmy! #WhistlePodu #Yellove