தமிழக அரசு முடங்கிக் கிடக்கிறது: ஸ்டாலின் வேதனை

தமிழகம் போராட்டக்களமாக மாறியுள்ள சூழலில், அரசு நிர்வாகம் முடங்கியிருப்பது வேதனையளிப்பதாக, திமுக செயல் தலைவரும், சட்டமன்ற எதிர்க்கட்சி தலைவருமான மு.க.ஸ்டாலின் குற்றம்சாட்டியுள்ளார்.

இதுதொடர்பாக அவர் வெளியிட்டுள்ள அறிக்கையில், முடங்கி கிடக்கும் மாநில அரசு நிர்வாகத்தை, தமிழக ஆளுநர் வித்யாசாகர் ராவ் செயல்பட வைக்கும் நடவடிக்கைகளை மேற்கொள்ள வேண்டும். டெல்லியில் போராடி வரும் விவசாயிகளை சென்று சந்திக்க மறுக்கும் முதலமைச்சரை தமிழகம் பெற்றிருப்பது வேதனையளிக்கிறது. இரட்டை இலை சின்னத்திற்கு 60 கோடி பேரம் என செய்தி வந்தவுடன், அமைச்சர்கள் இரு பிரிவுகளாக தனித்தனியாக கூடி பேசுகின்றனர். முதலமைச்சரும், அமைச்சர்களும் தங்கள் கடமைகளை மறந்து உள்கட்சி பிரச்னையில் உறைந்து போயிருக்கின்றனர். அரசியல் சட்டப்படி மாநில அரசு நிர்வாகம் செயல்படுகிறதா? என்ற மிகப்பெரிய சந்தேகமே இப்போது உருவாகியிருக்கிறது. எனவே, மக்கள் நலனை கருத்தி கொண்டு, முடங்கி கிடக்கும் மாநில அரசு நிர்வாகத்தை செயல்பட வைக்க ஆளுநர் தீவிர நடவடிக்கைகளை மேற்கொள்ள வேண்டும் என அவர் வலியுறுத்தி இருக்கிறார்.