[X] Close

சர்க்கரை அட்டைதாரர்களுக்கும் ரூ.1000: தமிழக அரசு முறையீடு

TN-govt-appeal-in-Madras-HC-order-on-Pongal-gift-issue

சர்க்கரை மட்டும் வாங்கும் குடும்ப அட்டைதாரர்களுக்கும் பொங்கல் பரிசாக ரூபாய் 1000 வழங்க அனுமதிக்க வேண்டும் என தமிழக அரசு சார்பில் சென்னை உயர்நீதிமன்றத்தில் முறையீடு செய்யப்பட்டுள்ளது.

பொங்கல் பண்டிகையொட்டி குடும்ப அட்டைதாரர்களுக்கு தலா ரூபாய் 1000 பொங்கல் பரிசாக வழங்கப்படும் என தமிழக அரசு அறிவித்திருந்தது. ரேசன் கடைகளில் குடும்ப அட்டைதாரர்கள் சென்று இந்தப் பொங்கல் பரிசினை பெற்றுக் கொள்ளலாம் எனவும் தெரிவிக்கப்பட்டிருந்தது. இதன்படி ரேசன் கடைக்கு சென்று 1000 ரூபாய் பொங்கல் பரிசை குடும்ப அட்டைதாரர்கள் பெற்று சென்றனர். இதனிடையே தமிழக அரசின் இந்தப் பொங்கல் பரிசு திட்டத்திற்கு எதிராக சென்னை உயர்நீதிமன்றத்தில் வழக்கு தொடரப்பட்டது.


Advertisement

இந்த வழக்கை விசாரித்த உயர்நீதிமன்றம், வறுமைக்கோட்டிற்கு மேலுள்ளவர்களுக்கு பொங்கல் பரிசாக ரூபாய் 1000 வழங்க உயர்நீதிமன்றம் தடை விதித்தது. இந்நிலையில் பொங்கல் பரிசாக ரூ.1000 வழங்க கட்டுப்பாடு விதித்ததற்கு எதிராக உயர்நீதிமன்றத்தில் தமிழக அரசு சார்பில் முறையீடு செய்யப்பட்டுள்ளது. அதில் சர்க்கரை மட்டும் வாங்கும் குடும்ப அட்டைதாரர்களுக்கும் பொங்கல் பரிசாக ரூபாய் 1000 வழங்க அனுமதிக்க வேண்டும் என தமிழக அரசு சார்பில் கோரிக்கை வைக்கப்பட்டுள்ளது.

Advertisement:

Advertisement

Advertisement
[X] Close