கொள்ளையர்களை பிடித்த வீரமங்கைகள்

ஹரியானா மாநிலம் குருகிராமில் கொள்ளை அடிக்க வந்தவர்களை இரண்டு பெண்கள் தைரியமாக பிடித்து போலீசாரிடம் ஒப்படைத்தனர்.

குருகிராமில் உள்ள வங்கி ஒன்றில் நிகழ்ந்த இந்த சம்பவம் சிசிடிவி கேமராவில் பதிவாகியுள்ளது. வங்கியில் நுழையும் இரண்டு இளைஞர்கள் கையில் துப்பாக்கியுடன் சென்று ஊழியர்களை தாக்கினர். தொடர்ந்து அவர்களை கட்டுக்குள் கொண்டு வந்து கொள்ளையடிக்க முயன்றனர். ஆனால் அங்கு பணியாற்றும் இரண்டு பெண்கள் கொள்ளையர்களை தாக்கி பிடித்தனர். பின்னர் மற்ற ஊழியர்கள் வெளியில்‌சென்று உதவிக்கு ஆட்களை அழைத்து வரும் வரை இரண்டு பெண்களும் துப்பாக்கி முனையில் கொள்ளையர்களை பிடித்து வைத்தனர். பின்னர் காவல்துறையினர் வந்து கொள்ளையர்களை கைது செய்து அழைத்து சென்றனர். அந்த சம்பவம் முழுமையாக சிசிடிவி கேமராவில் பதிவாகியுள்ளது. இரண்டு பெண்களின் வீரத்தையும் சக ஊழியர்களும் பொதுமக்களும் பாராட்டியுள்ளனர்.