சியர் லீடர்களுக்கு மாற்றாக ராமர் பாடல்கள்: திக்விஜய் சிங் யோசனை

ஐபிஎஸ் கிரிக்கெட் போட்டிகளில் சியர் லீடர்களுக்குப் பதிலாக, ராமரின் புகழ்பாடும் பாடல்களை இசைக்கச் செய்யலாம் என்று காங்கிரஸ் மூத்த தலைவர் திக்விஜய் சிங் ஆலோசனை தெரிவித்துள்ளார்.

மத்தியப் பிரதேசத்தின் இந்தூரில் செய்தியாளர்களிடம் பேசிய அவர், ஐபிஎல் கிரிக்கெட் போட்டிகளுக்கு பொழுதுபோக்கு வரியில் இருந்து விலக்களிக்கப் போவதில்லை என்று முதலமைச்சர் சிவராஜ் சிங் சவுகான் கூறியுள்ளதை சுட்டிக் காட்டினார். ஐபிஎல் கிரிக்கெட் போட்டிகளுக்கு பொழுதுபோக்கு வரியில் இருந்து விலக்கு அளிக்காமல் இருப்பதற்கு அப்படி என்ன பிரச்னை இருந்துவிட முடியும்? என கூறினார்.

ஐபில் கிரிக்கெட் போட்டிகளில் சியர் லீடர்கள் தேவையில்லை என்று சவுகான் கருத்து கூறியிருப்பதால், வீரர்கள் மைதானத்தில் சிக்சரோ, பவுண்டரியோ அடிக்கும்போது, சியர்லீடர்களுக்கு பதிலாக ராமரின் பாடல்களை இசைக்கலாம் என்றும் திக் விஜய் சிங் ஆலோசனை கூறியுள்ளார்.