பைக்ல போனா இரண்டு பேரும் ஹெல்மெட் போடனும் ! உயர்நீதிமன்றம் உத்தரவு

இருசக்கர வாகனத்தில் செல்லும் இருவரும் அவசியம் ஹெல்மெட் அணிய வேண்டும் என சென்னை உயர்நீதிமன்றம் உத்தரவிட்டுள்ளது. அதேபோல கார்களில் செல்வோர் அனைவரும் சீட் பெல்ட் அணிய வேண்டும் என உத்தரவு பிறப்பிக்கப்பட்டுள்ளது.

இருசக்கர வாகனத்தில் செல்வோர்கள் ஹெல்மெட் அணிவது தொடர்பான வழக்கு இன்று உயர்நீதிமன்றத்தில் விசாரணைக்கு வந்தது. அப்போது இருசக்கர வாகனத்தில் செல்லும் இருவரும் அவசியம் ஹெல்மெட் அணிய வேண்டும் என சென்னை உயர்நீதிமன்றம் உத்தரவிட்டது. அதேபோல கார்களில் செல்வோர் அனைவரும் சீட் பெல்ட் அணிய வேண்டும்  எனவும் உத்தரவு பிறப்பிக்கப்பட்டுள்ளது.

இதுதொடர்பாக பேசிய நீதிபதி, கேரளாவில் அதிவேகத்தில் சென்ற கேரளா முன்னாள் கவர்னர், கேரளா தற்போதைய நீதிபதி ஆகியோரின் வாகனங்கள் ரேடார் மூலம் கண்டறியப்பட்டு அபராதம் விதிக்கப்பட்டுள்ளதாக தெரிவித்தார். தமிழகத்திலும் சட்டவிதிகள் உள்ளது. அதனை அமல்படுத்துங்கள் என்று அறிவுறுத்தினார். கட்டாய ஹெல்மெட், சீட்பெல்ட் சட்டத்தை காவல்துறையினர் முதலில் பின்பற்ற வேண்டும் என அறிவுறுத்திய நீதிபதிகள், இருசக்கர வாகனங்கள் எதிரில் வருபவர்களுக்கு இடையூறாக ஒளி எழுப்பும் ஹை பீம் (high beam) விளக்குகளை தடுக்க வேண்டும் என தெரிவித்தார்.

முகப்பு விளக்குகளின் நடுவில் கருப்பு ஸ்டிக்கர் ஒட்ட வேண்டும் என தெரிவித்த நீதிபதிகள், இந்த பரிந்துரைகளை நிறைவேற்றியது குறித்தோ அல்லது நிறைவேற்ற திட்டமிட்டது குறித்தோ ஜூலை 27-ம் தேதி டிஜிபி அறிக்கை தாக்கல் செய்ய வேண்டும் எனவும் உத்தரவிட்டார்.