பா.ஜ.க.வின் நிரந்தரக் கூட்டாளி நாங்கள்” - அகாலி தளம் உறுதி

பாரதிய ஜனதாவின் நிரந்தர கூட்டாளியாக தொடர்வதாக சிரோமணி அகாலிதளக் கட்சி தெரிவித்துள்ளது. 

மக்களவைத் தேர்தல் அடுத்த நடைபெறவுள்ளது. இதனை எதிர்கொள்ளும் வகையில், கூட்டணிக் கட்சித் தலைவர்கள் மற்றும் முக்கிய பிரமுகர்களை சந்தித்து அரசின் சாதனைகளை விளக்கும் பயணத்தை பாஜக தலைவர் அமித்ஷா மேற்கொண்டுள்ளார். திரைப்பட கலைஞர்கள், விளையாட்டு வீரர்கள் உள்ளிட்டவர்களையும் சந்தித்து வருகிறார். 

அந்த வகையில் சண்டிகரில் கூட்டணிக் கட்சியான சிரோமணி அகாலிதளத்தின் தலைவர் பிரகாஷ் சிங் பாதல் மற்றும் குடும்பத்தினரை அமித் ஷா சந்தித்துப் பேசினார். அதன்பிறகு செய்தியாளர்களிடம் பேசிய பாதல், பாரதிய ஜனதாவின் நிரந்தரக் கூட்டாளியாக அகாலிதளம் விளங்குவதாகக் கூறினார்.