நீட் தேர்வுக்கு தயாராகி வந்த மாணவன் தற்கொலை !

சேலம் மாவட்டத்தில் நீட் தேர்வுக்கு தயாராகி வந்த மாணவர் தற்கொலை செய்துக் கொண்ட சம்பவம் அதிர்ச்சியை ஏற்படுத்தியுள்ளது.

சேலம் சங்கர் நகர் பகுதியை சேர்ந்தவர் கெவின் ஹேரி. இவர் 12 ஆம் வகுப்பு தேர்வுகளை எழுதி முடித்துவிட்டு ரிசல்ட்டுக்காக காத்திருக்கிறார். கெவின் ஹேரி நன்றாக படிக்கக் கூடிய மாணவர். எனவே, அவர் எம்.பி.பி.எஸ். படிப்பதில் மிகுந்த ஆர்வமுடன் இருந்துள்ளார். இதற்காக கெவின் ஹேரி, இரவுப் பகலாக நீட் தேர்வுக்கு படித்து வந்துள்ளார். இதன் காரணமாக கடந்த சில நாள்களாக கெவின், கடும் மன உளைச்சலில் இருந்ததாக கூறப்படுகிறது. நீட் தேர்வுக்கு தீர்வமாக படித்ததன் விளைவாக வீட்டில் இருப்பவர்களிடம் கூட சரியாக பேசவில்லை என கூறப்படுகிறது. 

இந்நிலையில் பிளாஸ்டிக் கவரை முத்தில் மாட்டிக்கொண்டு மூச்சை அடைத்து கெவின் ஹேரி தற்கொலை செய்துக் கொண்டுள்ளார். இது குறித்து அஸ்தம்பட்டி போலீசார் வழக்குப்பதிவு செய்து விசாரணை மேற்கொண்டு வருகின்றனர்.