ஜெகன் மோகன் ரெட்டிக்கு நடிகர் சூர்யா வாழ்த்து

ஆந்திராவிற்குப் பயணம் மேற்கொண்ட சூர்யா, ஜெகன் மோகன் ரெட்டி குறித்து பல சுவாரசியமான தகவல்களை பகிர்ந்துள்ளார்.

பொங்கல் விருந்தாக திரைக்கு வந்து சிறப்பாக ஓடிக்கொண்டிருக்கும், ’தானா சேர்ந்த கூட்டம்’ திரைப்படம் தெலுங்கில் ’கேங்’ என்ற பெயரில் வெளிவந்துள்ளது. ஆகவே தெலுங்கு ரசிகர்களை நேரில் சந்திப்பதற்காக நடிகர் சூர்யா ஆந்திராவிற்குப் பயணம் மேற்கொண்டார். அவரது, திரைப்படம் வெளியான அனைத்து தியேட்டர்களுக்கும் நேரில் சென்று ரசிகர்களை சந்தித்தார். 

இந்நிலையில், ஆந்திராவின் பரபரப்பான அரசியல் தலைவரான ஜெகன் மோகன் ரெட்டி குறித்து சூர்யா மேடை ஒன்றில் பேசியுள்ளார். இது குறித்து சூர்யா “ஜெகன் மேற்கொள்ளும் பாதயாத்திரை கண்டிப்பாக வெற்றி அடையும். எனது குடும்பத்திற்கும், ஜெகனின் குடும்பத்திற்கு நீண்ட காலமாகவே நல்ல நட்புறவு இருந்து வருகிறது. ஜெகன் என்னுடைய மிகச் சிறந்த நண்பன். அவர், எப்போதுமே மக்களுக்கு நல்லது செய்ய வேண்டும் என்றே எண்ணுவார். நாங்கள் எப்போது சந்தித்துக் கொண்டாலும் சில மணி நேரங்கள் அரசியல் அல்லாத மற்ற விஷயங்கள் குறித்தும் உரையாடுவேம். ஜெகனின் பாத யாத்திரை வெற்றி பெற என்னுடைய வாழ்த்துகள்” என்று கூறியுள்ளார்.