[X] Close

ஒரே நாளில் 27 அடி நீர்மட்டம் உயர்ந்த சேர்வலாறு அணை

Servalar-dam-water-level-increase-for-heavy-rain

கனமழை காரணமாக ஒரே நாளில் சேர்வலாறு அணை 27 அடியும், பாபநாசம் அணை 14 அடியும் நீர்மட்டம் உயர்ந்துள்ளது.

கன்னியாகுமரி அருகே நிலைக்கொண்டிருந்த ஆழ்ந்த காற்றழுத்தத் தாழ்வுமண்டலம் இன்று காலை ஒகி புயலாக மாறியது. இதனால் கன்னியாகுமரி பகுதியில் பலத்த காற்றுடன் கனமழை கொட்டியது. ஏராளமான மரங்கள் முறிந்து விழுந்துள்ளன. போக்குவரத்தும் பல இடங்களில் துண்டிக்கப்பட்டுள்ளது. கன்னியாகுமரி மட்டுமின்றி சுற்றுவட்டார மாவட்டங்களிலும் கனமழை பெய்துள்ளது. 

இந்நிலையில் கனமழை காரணமாக ஒரே நாளில் சேர்வலாறு அணை நீர்மட்டம் 27 அடியும், பாபநாசம் அணை நீர்மட்டம் 14 அடியும் உயர்ந்துள்ளது. பாபநாசம் அணையின் மொத்த கொள்ளளவான 143 அடியில் நீர்மட்டம் 121.50 அடியாக உள்ளது. சேர்வலாறு அணையின் மொத்த கொள்ளளவான 156 அடியில் நீர்மட்டம் 148.62 அடியாக உள்ளது. இதேபோன்று நீர்மட்டம் உயர்வால் கொடுமுடியாறு அணையில், பாதுகாப்பு கருதி நம்பியாற்றில் 10,000 கனஅடி நீர் திறந்து விடப்பட்டுள்ளது. எனவே ஆற்றங்கரையோர மக்கள், தாழ்வான பகுதிகளில் வசிப்போர் பாதுகாப்பாக இருக்க மாவட்ட அதிகாரிகள் அறிவுறுத்தியுள்ளனர்.


Advertisement
Advertisement:

Advertisement

Advertisement
[X] Close